കാനഡയുമായുള്ള നയതന്ത്ര ബന്ധം പുനഃസ്ഥാപിച്ച് സൗദി അറേബ്യ. കഴിഞ്ഞ നവംബറിൽ ബാങ്കോക്കിൽ നടന്ന ഏഷ്യ-പസഫിക് സാമ്പത്തിക സഹകരണ (അപെക്) ഉച്ചകോടിക്കിടെ കിരീടാവകാശിയും പ്രധാനമന്ത്രി മുഹമ്മദ് ബിൻ സൽമാനും കാനഡ പ്രധാനമന്ത്രി ജസ്റ്റിൻ ട്രൂഡോയും തമ്മിൽ നടത്തിയ ചർച്ചയെ തുടർന്നാണ് തീരുമാനം.
പരസ്പര ബഹുമാനത്തിന്റെയും പൊതുതാൽപര്യത്തിന്റെയും അടിസ്ഥാനത്തിൽ ഇരുരാജ്യങ്ങളും തമ്മിലുള്ള നയതന്ത്രബന്ധം പുനഃസ്ഥാപിക്കണമെന്ന ഇരുപക്ഷത്തിന്റെയും ആഗ്രഹത്തെ തുടർന്നാണ് തീരുമാനമെന്ന് സൗദി വിദേശകാര്യ മന്ത്രാലയം അറിയിച്ചു.
സൗദി അറേബ്യയിലെ പുതിയ അംബാസഡറായി ജീൻ ഫിലിപ്പ് ലിന്റോയെ നിയമിച്ചതായി കനേഡിയൻ സർക്കാർ പ്രഖ്യാപിച്ചു.
