ഖത്തർ കോർണിഷിൽ ഭാഗിക ഗതാഗത നിയന്ത്രണം ഏർപ്പെടുത്തും. കോർണിഷിൽ നിന്ന് റാസ്‌ അബു അബൗദ് എക്സ്പ്രെസ് വേയിലേയ്ക്ക് വരുന്ന ദിശയിലാണ് താത്‌കാലിക ഗതാഗത നിയന്ത്രണം ഏർപ്പെടുത്തുന്നത്. റോഡിലെ അറ്റകുറ്റപ്പണികളേത്തുടർന്നാണ് നടപടി.
ഒക്ടോബർ 3-ന് അർദ്ധരാത്രി മുതൽ ഒക്ടോബർ 6-ന് രാവിലെ 6 മണി വരെയാണ് നിയന്ത്രണം. ഇതിന്റെ ഭാഗമായി അൽ റുഫാ ഇന്റർസെക്ഷൻ മുതൽ ഒരു ദിശയിൽ റാസ്‌ അബു അബൗദ് വരെയുള്ള മേഖലയിൽ റോഡിലെ മൂന്ന് വരികൾ അടയ്ക്കുമെന്ന് അധികൃതർ അറിയിച്ചു.
