രാജ്യത്തിന് പുറത്തുപോകാതെ സന്ദർശക വിസ ഓൺലൈനിൽ പുതുക്കാൻ അവസരമൊരുക്കി സൗദി പാസ്പോർട്ട് ഡയറക്ടറേറ്റ്. ബിസിനസ്, ഫാമിലി, വ്യക്തിഗത സന്ദർശന വിസകളാണ് ഇത്തരത്തിൽ പുതുക്കാൻ അവസരമുള്ളത്. സൗദി ആഭ്യന്തര മന്ത്രാലയത്തിന്റെ അബ്ഷിർ, മുഖീം പ്ലാറ്റ്ഫോമുകൾ വഴിയാണ് വിസകൾ പുതുക്കേണ്ടത്.
180 ദിവസം വരെയാണ് വിസ ഓൺലൈനിൽ പുതുക്കാൻ അവസരമുള്ളത്. വിസ നീട്ടുന്നതിന് ഒരു പാസ്പോർട്ടിന് 100 റിയാൽ ആണ് ജവാസാത്ത് ഫീസായി അടക്കേണ്ടത്. മൾട്ടിപ്പിൾ വിസക്ക് മൂന്ന് മാസത്തേക്ക് ആരോഗ്യ ഇൻഷുറൻസ് എടുക്കണം എന്നാണ് നിബന്ധന. എന്നാൽ മൾട്ടിപ്പിൾ എൻട്രി വിസകൾ ചില സാഹചര്യങ്ങളിൽ ഓൺലൈൻ വഴി പുതുക്കാൻ സാധിക്കാത്തതിനാൽ തവാസുൽ വഴി അപേക്ഷ നൽകണമെന്നും അധികൃതർ അറിയിച്ചു.
