പത്തനംതിട്ട റാന്നി പഞ്ചായത്ത് പ്രസിഡൻറിന്റെ പ്രവർത്തിക്ക് കയ്യടിക്കുകയാണ് സാമൂഹിക മാധ്യമങ്ങൽ. മറ്റൊന്നുമല്ല, മകളുടെ വിവാഹവേദിയിൽ ആദിവാസി യുവതിയുടെ വിവാഹം കൂടി നടത്തിരിക്കുകയാണ് റാന്നി പഞ്ചായത്ത് പ്രസിഡൻറ് കെ.ആർ. പ്രകാശ്.
ഏക മകളുടെ വിവാഹം ലളിതമായി നടത്തിയാണ് നിർധനയായ പെൺകുട്ടിയുടെ സ്വപ്നം പ്രകാശ് പൂവണിയിച്ചത്. മകളുടെ വിവാഹത്തിനുള്ള സ്വർണ്ണത്തിനും ആർഭാടങ്ങൾക്കും ചെലവിടേണ്ട പണത്തിൽ നിന്നുള്ള ഒരു വിഹിതമാണ് പ്രകാശ് മാറ്റിവെച്ചത്. കെ.ആർ. പ്രകാശിൻറെ മകൾ ആതിരയാണ് വിവാഹിതയായത്. തൊട്ടുപിന്നാലെ, അതേ വേദിയിലേക്ക് അടുത്ത വധൂവരന്മാരെത്തി. ശബരിമല വനമേഖലയിലെ പ്ലാപ്പള്ളിയിൽ താമസിക്കുന്ന സോമിനിയും ളാഹ മഞ്ഞത്തോട് ഊരിലെ രാജിമോനുമാണ് ദമ്പതികൾ.
ഗോത്ര ആചാരപ്രകാരമായിരുന്നു ഇവരുടെ വിവാഹ ചടങ്ങുകൾ. ദമ്പതികളെ ഊരിന് പുറത്ത് കൊണ്ടുവന്ന് ജോലി വാങ്ങി നൽകി മിടുക്കരായി മാറ്റാനുള്ള തീരുമാനമാണ് എടുത്തിരിക്കുന്നതെന്ന് റാന്നി പഞ്ചായത്ത് പ്രസിഡൻറ് കെ.ആർ. പ്രകാശ് പറഞ്ഞു. അച്ഛൻ തന്ന ഏറ്റ
