ചികിത്സയ്ക്കായി കോട്ടക്കലിലെത്തിയ എംടി വാസുദേവന്‍ നായരുമായി കൂടിക്കാഴ്ച നടത്തി കോണ്‍ഗ്രസ് നേതാവ് രാഹുല്‍ ഗാന്ധി. തന്നെ കാണാനെത്തിയ രാഹുലിന് എംടി സ്‌നേഹസമ്മാനമായി ഒരു പേന നല്‍കുകയും ചെയ്തു. എഐസിസി ജനറല്‍ സെക്രട്ടറി കെസി വേണുഗോപാലും രാഹുലിനൊപ്പം ഉണ്ടായിരുന്നു.
എംടിയുടെ പുസ്തകങ്ങളേക്കുറിച്ചും സിനിമകളേക്കുറിച്ചും രാഹുൽ സംസാരിച്ചു. കൂടാതെ എംടിയുടെ വിശ്രുത ചിത്രമായ നിർമാല്യത്തെയും ഏറെ വിഖ്യാതമായ നോവൽ രണ്ടാമൂഴത്തെയും പരാമർശിക്കുകയും ചെയ്തു. ആരോഗ്യവും പൊതു വിഷയത്തെകുറിച്ചുമെല്ലാം ഇരുവരും ചർച്ച ചെയ്തു. എല്ലാ വർഷവും കർക്കകടകമാസം നടത്തിവരാറുള്ള ചികിത്സയ്ക്കായാണ് എംടി കോട്ടക്കൽ ആര്യവൈദ്യശാലയിലെത്തിയത്. പതിനാലു ദിവസം നീണ്ട് നിൽക്കുന്ന ചികിത്സയാണ് നടക്കുക.
