റേഡിയോ കേരളത്തിൻ്റെ പ്രിയപ്പെട്ട അവതാരക ലാവണ്യ (41) അന്തരിച്ചു. അർബുദ രോഗത്തെ തുടർന്ന് ചികിത്സയിലിരിക്കെ ആയിരുന്നു അന്ത്യം. ക്ളബ് എഫ്എം, റെഡ് എഫ്എം, യുഎഫ്എം , റേഡിയോ രസം തുടങ്ങിയ റേഡിയോകളിലൂടെ പ്രവാസി മലയാളികൾക്ക് സുപരിചിതയായി മാറിയ ആർജെയാണ് ലാവണ്യ.
15 വർഷത്തിലധികമായി മാധ്യമപ്രവർത്തകയായിരുന്നു. വെള്ളിത്തിര, പ്രിയനേരം പ്രിയഗീതം, ഡി ആർ കെ ഓൺ ഡിമാൻ്റ്, ഖാന പീന എന്നീ പരിപാടികളാണ് ലാവണ്യയെ പ്രവാസി മലയാളികളുടെ ഇടയിൽ ലാവണ്യയെ ശ്രദ്ധേയയാക്കിയത്. രമ്യാ സോമസുന്ദരമെന്നാണ് യഥാർത്ഥ പേര്.
കർണാടക സംഗീതജ്ഞനും, സംഗീത സംവിധായകനുമായ നവനീത് വർമയാണ് ഭർത്താവ്. അച്ഛൻ പരേതനായ സോമസുന്ദരം. അമ്മ ശശികല. വസുന്ധര, വിഹായസ് എന്നിവർ മക്കളാണ്.
ആർ ജെ ലാവണ്യയുടെ അകാലത്തിലുള്ള വേർപാടിൽ റേഡിയോ കേരളം 1476 എഎം ടീം അംഗങ്ങൾ അഗാധമായ ദു‌ഖം രേഖപ്പെടുത്തി. ബുധനാഴ്ച തിരുവനന്തപുരം തമലം മരിയൻ അപാർട്ട്മെൻ്റിലെ പൊതുദർശനത്തിനു ശേഷം ശാന്തികവാടത്തിലാണ് സംസ്കാരം.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/FJzrLdTF2LE4278EB7m9Lc
