ഖത്തർ – യുഎഇ ലോകകപ്പ് യോഗ്യതാ മത്സരം ഇന്ന് നടക്കും. ഖത്തറിലെ അൽ റയ്യാനിലെ അഹമ്മദ് ബിൻ അലി സ്റ്റേഡിയത്തിൽ വൈകുന്നേരം ഏഴ് മണിക്കാണ് മത്സരം ആരംഭിക്കുക. ലോകകപ്പ് മത്സരങ്ങളിലേയ്ക്ക് സീറ്റ് ഉറപ്പിക്കാൻ ശക്തമായ പോരാട്ടം നടത്താനുറച്ചാണ് ഇരു രാജ്യങ്ങളും ഇന്ന് കളത്തിലിറങ്ങാനൊരുങ്ങുന്നത്.
ഇന്ന് വൈകിട്ട് നാല് മണി മുതൽ സ്റ്റേഡിയത്തിലേക്ക് ടിക്കറ്റ് ബുക്ക് ചെയ്തവർക്ക് പ്രവേശനം അനുവദിക്കും. ടിക്കറ്റ് വിൽപ്പന ഇന്നലെ അവസാനിപ്പിച്ചതിനാൽ ഇന്ന് സ്റ്റേഡിയത്തിൽ ടിക്കറ്റുകളൊന്നും വിൽക്കില്ലെന്നും സാധുവായ ടിക്കറ്റ് ഇല്ലാത്തവർക്ക് പ്രവേശനം അനുവദിക്കില്ലെന്നും അധികൃതർ അറിയിച്ചു.
കാണികൾ പരമാവധി നേരത്തെ സ്റ്റേഡിയത്തിലേയ്ക്ക് എത്തിച്ചേരണമെന്ന് ഖത്തർ ഫുട്ബോൾ അസോസിയേഷൻ ആവശ്യപ്പെട്ടു. മത്സരത്തെ ആവേശത്തോടെ നോക്കിക്കാണാൻ കാത്തിരിക്കുകയാണ് ഫുട്ബോൾ ആരാധകർ.
