രണ്ട് മാസം നീണ്ട നടപടി ക്രമങ്ങൾ പൂർത്തിയായി, ഖ​ത്ത​ർ സെ​ൻ​ട്ര​ൽ മു​നി​സി​പ്പ​ൽ കൗ​ൺ​സി​ൽ തെ​ര​ഞ്ഞെ​ടു​പ്പ് ഇന്ന് 

ഖ​ത്ത​റി​ൽ ​ഇന്ന് സെ​ൻ​ട്ര​ൽ മു​നി​സി​പ്പ​ൽ കൗ​ൺ​സി​ൽ തെ​ര​ഞ്ഞെ​ടു​പ്പ്. രണ്ടു മാ​സ​ത്തോ​ളം നീ​ണ്ടു നിന്ന ന​ട​പ​ടി ക്ര​മ​ങ്ങ​ൾ​ പൂർത്തിയാക്കിയതിന് ശേഷമാണ് തെരഞ്ഞെടുപ്പ് നടക്കുന്നത്. ഏ​ഴാ​മ​ത് മു​നി​സി​പ്പ​ൽ കൗ​ൺ​സി​ലി​ലേ​ക്കു​ള്ള പ്ര​തി​നി​ധി​ക​ളെ തെ​ര​ഞ്ഞെ​ടു​ക്കുന്നതിനാ​യി സ്വ​ദേ​ശി വോ​ട്ട​ർ​മാ​ർ ഇ​ന്ന് വോ​ട്ടുകൾ രേഖപ്പെടുത്തും. ഒ​രാ​ഴ്ചത്തോളം നീ​ണ്ടു നിന്ന പ്ര​ചാ​ര​ണ പ​രി​പാ​ടി​ക്കൊ​ടു​വി​ലാ​ണ് വോ​ട്ടെ​ടു​പ്പ്.

29 സീ​റ്റു​ക​ളി​ലേ​ക്കാ​യി 102 സ്ഥാ​നാ​ർ​ഥി​ക​ളാ​ണ് തെ​ര​ഞ്ഞെ​ടു​പ്പി​ൽ മ​ത്സ​രിക്കുന്നത്. ഇവരിൽ നാ​ല് പേർ വ​നി​ത​ക​ളാണ്. ​11ാം ന​മ്പ​റാ​യ അ​ബൂ​ഹ​മൂ​ർ മ​ണ്ഡ​ല​ത്തി​ൽ 11 പേ​രാ​ണ് മ​ത്സ​രി​ക്കു​ന്ന​ത്. ഇ​വി​ടെ​യാ​ണ് ഏ​റ്റ​വും കൂ​ടു​ത​ൽ സ്ഥാ​നാ​ർ​ഥി​ക​ൾ മത്സരിക്കുന്നത്. എന്നാൽ 27ാം ന​മ്പ​ർ മ​ണ്ഡ​ല​മാ​യ ക​അ​ബാ​നി​ൽ ഒ​രു സ്ഥാ​നാ​ർ​ഥി മാ​ത്ര​മാ​ണ് നാ​മ​നി​ർ​ദേ​ശം ന​ൽ​കി​യിട്ടുള്ളത്.

29ൽ 27 ​മ​ണ്ഡ​ല​ങ്ങ​ളി​ലാ​ണ് വോ​ട്ടെ​ടു​പ്പ് ന​ട​ക്കു​ക. ബാക്കിയുള്ള ര​ണ്ട് മ​ണ്ഡ​ല​ങ്ങ​ളി​ൽ സ്ഥാ​നാ​ർ​ഥി​ക​ൾ എ​തി​രി​ല്ലാ​തെ​ തെ​ര​ഞ്ഞെ​ടു​ക്ക​പ്പെ​ട്ടു. Aതെസ്നി ജ​നാ​ധി​പ​ത്യ​ രീ​തി​യി​ൽ ര​ഹ​സ്യ​ബാ​ല​റ്റ് ഉ​പ​യോ​ഗി​ച്ച് ന​ട​ക്കു​ന്ന വോ​ട്ടെ​ടു​പ്പി​ന്റെ പ്ര​ചാ​ര​ണം ബു​ധ​നാ​ഴ്ച​യോ​ടെ അ​വ​സാ​നി​ച്ചു. ​രാ​വി​ലെ എട്ട് മണി മു​ത​ൽ വൈ​കീ​ട്ട് അ​ഞ്ച് മണി വ​രെ​യാ​ണ് വോ​ട്ടെ​ടു​പ്പ് നടക്കുക. ഇന്ന് വൈ​കു​ന്നേ​രം ത​ന്നെ തെ​ര​ഞ്ഞെ​ടു​പ്പ് ഫ​ലം പു​റ​ത്തുവിടും.