ഖത്തറിലേയ്ക്കുള്ള പ്രവാസികളുടെ പ്രവേശനവും മടക്കവും താമസവും സംബന്ധിച്ച നിയമ ഭേദഗതിക്കുള്ള ആഭ്യന്തര മന്ത്രിയുടെ കരട് തീരുമാനത്തിന് മന്ത്രിസഭയുടെ അംഗീകാരം. പ്രധാനമന്ത്രിയും വിദേശകാര്യമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൽറഹ്മാൻ ബിൻ ജാസിം അൽതാനിയുടെ അധ്യക്ഷതയിലാണ് മന്ത്രിസഭ ചേർന്നത്.
പ്രവാസികളുടെ പ്രവേശനവും എക്സിറ്റും താമസവും സംബന്ധിച്ച 2015-ലെ 21-ാം നമ്പർ നിയമത്തിലെ എക്സിക്യൂട്ടീവ് റെഗുലേഷനിലെ ചില വ്യവസ്ഥകൾ ഭേദഗതി ചെയ്തുകൊണ്ടുള്ള ആഭ്യന്തര മന്ത്രിയുടെ കരട് തീരുമാനത്തിനാണ് മന്ത്രിസഭാ യോഗം അനുമതി നൽകിയത്. 2019-ലെ 25-ാം നമ്പർ തീരുമാനപ്രകാരമാണിത്. എന്നാൽ ഭേദഗതി സംബന്ധിച്ച കൂടുതൽ വിവരങ്ങളൊന്നും ലഭ്യമായിട്ടില്ല.
