എയർലൈൻ മേഖലയിലെ മികവിന് വിമാനക്കമ്പനികളുടെ മേധാവികൾക്ക് നൽകുന്ന ലൈഫ് ടൈം അച്ചീവ്മെന്റ് പുരസ്കാരം ഉൾപ്പെടെ നാല് പുരസ്കാരങ്ങൾ സ്വന്തമാക്കി ഖത്തർ എയർവേസ്. ഖത്തർ എയർവേസ് സി.ഇ.ഒ അക്ബർ അൽബാകിർ പുരസ്കാരങ്ങൾ ഏറ്റുവാങ്ങി. എയർലൈൻ പാസഞ്ചർ എക്സ്പീരിയൻസ് അസോസിയേഷൻ (അപെക്സ്) ആണ് പുരസ്കാരം നൽകുന്നത്. 50 വർഷത്തിനിടെ ഈ പുരസ്കാരം നേടുന്ന ആറാമത്തെയാളാണ് അക്ബർ അൽ ബാകിർ.
കാലിഫോർണിയയിൽ നടന്ന ചടങ്ങിൽ ലൈഫ് ടൈം അച്ചീവ്മെന്റ് പുരസ്കാരം ഉൾപ്പെടെ നാല് പുരസ്കാരങ്ങൾ അക്ബർ അൽ ബാകിർ ഏറ്റുവാങ്ങി. അപെക്സ് വേൾഡ് ക്ലാസ് അവാർഡ് 2024, ബെസ്റ്റ് എന്റർടെയ്ൻമെന്റ് ഇൻ ദ മിഡിൽ ഈസ്റ്റ്, ഗ്ലോബൽ ബെസ്റ്റ് ഫുഡ് ആന്റ് ബിവറേജസ് അവാർഡ് എന്നിവയാണ് ഖത്തർ എയർവേസിന് ലഭിച്ചത്.
