വയനാട്ടിലെ ദുരന്തഭൂമി സന്ദർശിക്കാൻ പ്രധാനമന്ത്രി നരേന്ദ്രമോദിയെത്തും. ഉരുൾപ്പൊട്ടലിൽ തകർത്ത മേപ്പാടി പഞ്ചായത്തിലെ മുണ്ടക്കൈ, ചൂരൽമല, അട്ടമല പ്രദേശങ്ങളിൽ മോദി എത്തുമെന്നാണ് റിപ്പോർട്ട്. അതേസമയം, പ്രധാനമന്ത്രിയുടെ സന്ദർശനം സംബന്ധിച്ച് ഔദ്യോഗിക അറിയിപ്പ് ലഭിച്ചിട്ടില്ല.
ശനിയാഴ്ച ഉച്ചയോടെ മോദി ദുരന്ത സ്ഥലത്തെത്തുമെന്നാണ് സൂചന. വിമാനമാർഗം കോഴിക്കോട് എത്തിയ ശേഷം വയനാട്ടിലേക്ക് പോകുമെന്നാണ് വിവരം. എന്നാൽ ശനി, ഞായർ ദിവസങ്ങളിലൊന്നിലാകും പ്രധാനമന്ത്രി മുണ്ടക്കൈയിൽ എത്തുകയെന്നും റിപ്പോർട്ടുണ്ട്. എസ്.പി.ജി സംഘം കേരളത്തിലെത്തിയിട്ടുണ്ട്.
