യുഎൻ ആസ്ഥാനത്ത് ഇന്ത്യൻ പ്രധാനമന്ത്രി നരേന്ദ്ര മോദിയുടെ കീഴിൽ നടന്ന യോഗ അഭ്യാസ ചടങ്ങിന് ഗിന്നസ് റെക്കോർഡ്. ഒരു യോഗ അഭ്യാസത്തിൽ ഏറ്റവുമധികം രാജ്യങ്ങളിൽ നിന്നുള്ള പ്രതിനിധികൾ പങ്കെടുത്തതിന്റെ പേരിലാണ് റെക്കോർഡ്. ഒൻപതാമത് രാജ്യാന്തര യോഗദിന സമ്മേളനത്തിന്റെ ഭാഗമായാണ് യുഎസ് ആസ്ഥാനത്ത് യോഗ അഭ്യാസ ചടങ്ങ് നടത്തിയത്.
ഇന്ത്യയുടെ ആഹ്വാനത്തില്‍ 180 രാജ്യങ്ങള്‍ ചടങ്ങിന്റെ ഭാഗമായി ഒത്തുചേർന്നു. 180ൽ അധികം രാജ്യങ്ങളിൽനിന്നുള്ളവരാണ് യോഗ അഭ്യാസത്തിന്റെ ഭാഗമായത്. ഐക്യരാഷ്ട്ര സംഘടന പൊതുസഭ പ്രസിഡന്റ് സിസബ കൊറോസി, ന്യൂയോർക്ക് മേയർ എറിക് ആദംസ്, ഹോളിവുഡ് നടൻ റിച്ചാർഡ് ഗെരെ, യുഎൻ ഡപ്യൂട്ടി സെക്രട്ടറി ജനറൽ ആമിന ജെ.മുഹമ്മദ് തുടങ്ങിയ നിരവധി പ്രമുഖർ മോദിയൊടൊപ്പം യോഗ അഭ്യസിച്ചിരുന്നു. ഇന്ത്യയുടെ ആഹ്വാനത്തിൽ 180 ലധികം രാജ്യങ്ങള്‍ ഒത്തുചേരുന്നത് ചരിത്രപരവും മുൻപ് ഉണ്ടാകാത്തതുമാണ് ഇത് എന്ന് പ്രധാനമന്ത്രി രാജ്യാന്തര യോഗാദിന സന്ദേശത്തിൽ പറഞ്ഞിരുന്നു.
