സ്തനാർബുദത്തെക്കുറിച്ച് അവബോധം സൃഷ്ടിക്കുന്നതിനായി യുഎഇയിലുടനീളം സവാരി നടത്താനൊരുങ്ങി പിങ്ക് സൈക്ലിസ്റ്റുകൾ. സ്തനാർബുദം നേരത്തേ കണ്ടെത്തുന്നതിൻ്റെയും സ്‌ക്രീനിംഗിൻ്റെയും പ്രാധാന്യത്തെക്കുറിച്ച് അവബോധം വളർത്തുന്നതിനുള്ള കമ്മ്യൂണിറ്റി സംരംഭമായ പിങ്ക് ടൂറിൻ്റെ രണ്ടാം പതിപ്പാണ് സംഘടിപ്പിക്കുന്നത്.
സ്ത്രീകളും പുരുഷന്മാരും ഉൾപ്പെട്ട 150-ലധികം സൈക്ലിസ്റ്റുകളാണ് സവാരിക്കൊരുങ്ങുന്നത്. ഒക്ടോബർ 13, 19, 26 തീയതികളിലാണ് പിങ്ക് സൈക്ലിസ്റ്റുകൾ യുഎഇയിൽ പര്യടനം നടത്തുക. ഷാർജ, റാസൽഖൈമ, ഫുജൈറ, ദുബായ് എന്നിവിടങ്ങളിലൂടെ സൈക്ലിസ്റ്റുകൾ കടന്നുപോകും.
