‘മനുഷ്യത്വത്തിനായുള്ള യോഗ’ എന്ന സന്ദേശമുയര്‍ത്തി എട്ടാമത് യോഗ ദിനം. അന്താരാഷ്ട്ര തലത്തില്‍ സംഘടിപ്പിച്ച യോഗാദിനാചരണം ലോകത്തിന് നല്‍കിയത് പുതിയ സന്ദേശം. യോഗ ലോകത്തിന് സമ്മാനിച്ച ഇന്ത്യയോട് നന്ദി പറഞ്ഞുകൊണ്ടാണ് മിക്ക രാജ്യങ്ങളിലും യോഗ ദിനാചരണ പരിപാടികൾ നടന്നത്. ഇന്ത്യയിലും വിപുലമായി യോഗ ദിനാചരണങ്ങൾ സംഘടിപ്പിച്ചു.

യോഗയില്‍ നിന്നുളള സമാധാനം വ്യക്തികൾക്ക് മാത്രമല്ല, രാജ്യത്തിനും ലോകത്തിനും സമാധാനം പ്രദാനം ചെയ്യുന്നെന്ന് പ്രധാനമന്ത്രി നരേന്ദ്ര മോദി പറഞ്ഞു. യോഗ ലോകത്തിന്‍റെ ദേശീയ ഉത്സവമാണെന്നും മോദി കൂട്ടിച്ചേര്‍ത്തു.യോഗ ജീവിത്തിന്‍റെ ഭാഗം എന്നതിനപ്പുറം ജീവിതരീതിയായി മാറുകയാണെന്നും കോവിഡ് പ്രതിരോധത്തില്‍ യോഗ പ്രധാന പങ്കുവഹിച്ചെന്നും മോദി സൂചിപ്പിച്ചു. മൈസൂരുവില്‍ സംഘിടിപ്പിച്ച യോഗാദിനാചരണ പരിപാടിയില്‍ സംസാരിക്കുകയായിരുന്നു പ്രധാനമന്ത്രി. ലോകമെമ്പാടും 25 കോടിപ്പേര്‍ യോഗദിനാചരണത്തിന്‍റെ ഭാഗമായി. രാജ്യത്ത് 75 ചരിത്രപ്രധാന കേന്ദ്രങ്ങളിലാണ് പരിപാടി സംഘടിപ്പിച്ചിട്ടുളളതെന്ന് ആയുഷ് മന്ത്രാലയവും വ്യക്തമാക്കി.

അതേസമയം യുഎഇയില്‍ സംഘടിപ്പിച്ച പരിപാടി സഹിഷ്ണുത- സഹവർത്തിത്വ മന്ത്രി ഷെയ്ഖ് നഹ്യാൻ ബിൻ മുബാറക് അൽ നഹ്യാൻ ഉദ്ഘാടനം ചെയ്തു. പരമ്പരാഗത ഇന്ത്യൻ അഭിവാദന മാർഗമായ ‘നമസ്‌തേ’ ഉച്ഛരിച്ചാണ് അദ്ദേഹം ജനതയെ അഭിവാദ്യം ചെയ്തത്. സാർവത്രിക ആഗോള മൂല്യങ്ങളും അന്താരാഷ്ട്ര ഐക്യവും സമാധാനവും പ്രചരിപ്പിക്കുന്നതിനുള്ള പുതുക്കിയ പ്രതിബദ്ധതയോടെയാണ് യുഎഇ യോഗ ദിനം ആഘോഷിക്കുന്നതെന്ന് മന്ത്രി അടിവരയിട്ടു. ഒരു സൂര്യൻ, ഒരു ഭൂമി എന്ന ആശയത്തിന് അടിവരയിടുന്നതാണ് യോഗയെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.

2015 മുതലാണ് അന്താരാഷ്ട്ര യോഗദിനത്തിന് തുടക്കമായത്. െഎക്യരാഷ്ട്ര സഭയുടെ 69-ാമത് സമ്മേളത്തില്‍ ഇന്ത്യന്‍ പ്രധാനമന്ത്രി നേരേന്ദ്ര മോദി മുന്നോട്ടുവച്ച ആശയത്തിന് യുഎന്‍ ജനറല്‍ അസംബ്ളി അംഗീകാരം നല്‍കുകയായിരുന്നു.

Featured StoriesGULF NEWSSAUDI

സൗദി എക്സ്പോ 2025-ന്റെ പവലിയൻ അനാച്ഛാദനം ചെയ്തു

Date:

17/11/2023

Share post:

സൗദി എക്സ്പോ 2025-ന്റെ പവലിയൻ അനാച്ഛാദനം ചെയ്തു. റിയാദിലെ ഒസാക്ക റിവർ ഡോജിമ ഫോറത്തിൽ നടന്ന പരിപാടിയിൽ വെച്ചാണ് ഒസാക്കയുടെ പവലിയൻ ഡിസൈനും ലോഗോയും വെളിപ്പെടുത്തിയത്. സാംസ്കാരിക മന്ത്രി ബാദർ ബിൻ ഫർഹാന്റെ രക്ഷാകർതൃത്വത്തിലാണ് പരിപാടി സംഘടിപ്പിച്ചത്.

രാജ്യത്തിന്റെ സമ്പന്നമായ ചരിത്രവും പിന്നീടുള്ള പരിവർത്തനവും വ്യക്തമാക്കുന്ന വിധത്തിലാണ് സൗദി എക്സ്പോയുടെ ലോഗോയും പവലിയന്റെ രൂപകല്പനയും ആസൂത്രണം ചെയ്തിരിക്കുന്നത്. സൗദിയുടെ സാംസ്കാരിക പൈതൃകവും പാരമ്പര്യങ്ങളും സമകാലിക മുന്നേറ്റങ്ങളും പവലിയന്റെ നിർമ്മാണത്തിൽ പ്രകടമാകുമെന്ന് അധികൃതർ വ്യക്തമാക്കി.

ഒസാക്ക മേയർ ഹിഡെയുകി യോകോയാമ ഉൾപ്പെടെയുള്ള പ്രമുഖരും ജപ്പാനിൽ നിന്നും സൗദി അറേബ്യയിൽ നിന്നുമുള്ള സർക്കാർ പ്രതിനിധികളും ചടങ്ങിൽ പങ്കെടുത്തു. സാമ്പത്തിക വൈവിധ്യവൽക്കരണവും സാംസ്കാരിക വളർച്ചയും പ്രോത്സാഹിപ്പിക്കുന്ന വിഷൻ 2030-ന്റെ ഭാഗമാണ് എക്സ്പോയെന്ന് സൗദി സാംസ്കാരിക വൈസ് മന്ത്രിയും എക്സിക്യൂട്ടീവ് കമ്മിറ്റി ചെയർമാനുമായ ഹമദ് ഫയസ് പറഞ്ഞു.

Previous article

സ്വകാര്യ പണമിടപാട് സ്ഥാപനങ്ങളില്‍ നിക്ഷേപം നടത്തുന്നതിനെതിരെ മുന്നറിയിപ്പുമായി പൊലീസ്

Next article

‘ആരോഗ്യം സൂക്ഷിക്കൂ, ജീവിതം സന്തോഷമായി മുന്നോട്ട് പോവട്ടെ’, അൽഫോൻസ് പുത്രന് ആശംസകളുമായി കമൽഹാസൻ

LEAVE A REPLY Cancel reply

Please enter your comment!

Please enter your name here

You have entered an incorrect email address!

Please enter your email address here

Related articles