പാൻകാർഡും ആധാറും തമ്മിൽ ബന്ധിപ്പിക്കുന്നതിനുള്ള കാലാവധി 2023 ജൂൺ 30 വരെ നീട്ടി. ഈ മാസം 31 വരെയായിരുന്നു ആദ്യം നൽകിയിരുന്ന കാലാവധി. സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ്(സിബിഡിടി) ആണ് സമയപരിധി വീണ്ടും നീട്ടിയത്.
ആധാറും പാൻകാർഡും ബന്ധിപ്പിക്കുന്നതിൽ പലയിടങ്ങളിലും സാങ്കേതിക തടസങ്ങൾ നേരിടുന്നതായി പരാതിയുയർന്ന സാഹചര്യത്തിൽ കാലാവധി നീട്ടണമെന്ന് ആവശ്യമുയർന്നിരുന്നു ഇതോടെയാണ് കാലാവധി ജൂൺ 30 വരെ നീട്ടിയത്.
ആധാറും പാൻ കാർഡും ലിങ്ക് ചെയ്തോയെന്ന് ഉറപ്പാക്കാൻ www.incometax.gov.in എന്ന വെബ്സൈറ്റിൽ Link Aadhaar Status ക്ലിക് ചെയ്യുക. പാൻ, ആധാർ നമ്പർ ഓപ്ഷൻ നൽകിയാൽ ബന്ധിപ്പിച്ചിട്ടുണ്ടെങ്കിൽ Your PAN is already linked to given Aadhaar എന്ന സന്ദേശം ലഭിക്കും. ഇല്ലെങ്കിൽ Link Aadhaar ക്ലിക് ചെയ്ത് പാൻ, ആധാർ, പേര്, മൊബൈൽ നമ്പർ എന്നിവ നൽകിയാൽ ലിങ്ക് ചെയ്യാനാകും.
