ആരാണ് മലയാള സിനിമയിലെ ലേഡി സൂപ്പർ സ്റ്റാർ. ഇതാ മഞ്ജുവാര്യരേയും മറികടന്ന് പുതിയ താരം പട്ടികയിൽ ഇടം പിടിച്ചിരിക്കുകയാണ്. ഓര്‍മാക്‌സ് മീഡിയ പുറത്തുവിട്ട പുതിയ ലിസ്റ്റിലാണ് താരം ആധിപത്യം ഉറപ്പിച്ചത്.
ജനപ്രീതിയില്‍ മലയാളി നായികമാരുടെ പട്ടികയില്‍ ദീര്‍ഘകാലമായി മുന്നില്‍ നിന്നിരുന്നത് മഞ്ജു വാര്യരെ മറികടന്ന് പ്രേമലു നായിക മമിത ബൈജുവാണ് ഒന്നാമതെത്തിയത്. പ്രേമലു എന്ന ചിത്രത്തിലൂടെ ദക്ഷിണേന്ത്യയാകെ അറിയുന്ന നടിയായി മമിത മാറിയെന്നാണ് വിലയിരുത്തൽ. സാക്ഷാല്‍ എസ്എസ് രാജമൗലി അടക്കം മമിതയെ അഭിനന്ദിച്ചിരുന്നു.
ചുരുങ്ങിയ കാലം കൊണ്ടാണ് മമിത ബൈജു താരമൂല്യത്തില്‍ ഒന്നാം സ്ഥാനത്തെത്തിയത്. ആദ്യമായി നായിക സ്ഥാനം കിട്ടിയപ്പോള്‍ ഗംഭീര പ്രകടനം നടത്തിയതും മഞ്ജു വാര്യര്‍ക്ക് സമീപകാലത്ത് വലിയ ഹിറ്റുകളോ, റിലീസുകളോ ഇല്ലാതിരുന്നതും പട്ടികയിലെ മാറ്റത്തിന് കാരണമായി.
അതേസമയം രജനീകാന്തിനൊപ്പമുളള വേട്ടയ്യന്‍ റിലീസാകുമ്പോൾ മഞ്ജു വാര്യർ പട്ടികയിൽ ഒന്നാം സ്ഥാനം തിരികെപിടിക്കുമെന്നാണ് ആരാധകരുടെ പ്രതീക്ഷ. മോഹന്‍ലാലിനൊപ്പം പുതിയ ചത്രം പ്രഖ്യാപിച്ചതോടെ ശോഭന മൂന്നാമതായി ഇടംനേടി. ഓര്‍മാക്‌സ് പട്ടികയിൽ നാലാം സ്ഥാനത്ത് അനശ്വര രാജനും അഞ്ചാം സ്ഥാനത്ത് ഐശ്വര്യ ലക്ഷ്മിയുമാണുളളത്. ഇനി നിങ്ങൾ പറയൂ.. ആരാണ് മലയാളത്തിൻ്റെ ലേഡി സൂപ്പർ സ്റ്റാർ.
