യുഎഇയിൽ 2023 ജൂലൈ മാസം ഇനിയുള്ള ദിവസങ്ങളിലെ അവധികൾ ഇങ്ങനെയാണ്. മുഹറം ജൂലൈ 21 വെള്ളിയാഴ്ച അവധി ആയതിനാൽ അടുത്ത ദിവസങ്ങളായ ശനി, ഞായർ ഉൾപ്പെടെ മൂന്ന് ദിവസത്തെ അവധി ലഭിക്കും. അതേസമയം സെപ്റ്റംബർ 29 ന് നബിദിനത്തോടനുബന്ധിച്ചുള്ള അവധിയും വെള്ളിയാഴ്ച ആയതിനാൽ പിന്നീട് വരുന്ന ശനി, ഞായർ ദിവസങ്ങൾ ഉൾപ്പെടെ ഒക്ടോബർ ഒന്നുവരെയുള്ള മൂന്ന് ദിവസങ്ങൾ അവധി ലഭിക്കും.
അടുത്ത അവധി വരുന്നത് ഡിസംബർ രണ്ടിനാണ്. ഈ ദിവസം യുഎഇ ദേശീയ ദിനമായി ആചരിക്കുന്നു. എന്നാൽ ഡിസംബർ രണ്ട് ശനിയാഴ്ച്ചയായതിനാൽ പിന്നീട് വരുന്ന ഡിസംബർ മൂന്ന് ഞായറാഴ്ചയും ചേർത്ത് രണ്ട് ദിവസത്തെ അവധി ലഭിക്കും.
