ഷാർജയിൽ പുതിയ വാതക ശേഖരം കണ്ടെത്തി. ഹദീബ പാടത്ത് പുതിയ വാതക ശേഖരം കണ്ടെത്തിയതായി ഷാർജ പെട്രോളിയം കൗൺസിലാണ് അറിയിച്ചത്. ഷാർജ നാഷണൽ ഓയിൽ കോർപ്പറേഷന്റെ നേതൃത്വത്തിൽ ഒരു കിണർ കുഴിച്ചപ്പോഴാണ് വാതകശേഖരം കണ്ടെത്തിയത്.
കിണറിനുള്ളിലെ വാതക ശേഖരവുമായി ബന്ധപ്പെട്ട കാര്യങ്ങൾ പരിശോധിച്ചുവരുന്നതായും വരും ദിവസങ്ങളിൽ മാത്രമേ ശ്രോതസിന്റെ അളവും സാധ്യതകളും വ്യക്തമാക്കാൻ സാധിക്കുകയുള്ളുവെന്ന് അധികൃതർ വ്യക്തമാക്കി. അൽ സജാ ഫീൽഡിന് വടക്ക് ഭാഗത്തായാണ് പുതിയ ശേഖരം സ്ഥിതിചെയ്യുന്നത്.
അൽ-സജാ, കഹീഫ്, മഹാനി, മുയയ്ദ് പാടങ്ങൾക്ക് പുറമെ ഷാർജയിലെ അഞ്ചാമത്തെ വാതകശേഖരമാണ് ഹദീബയിൽ കണ്ടെത്തിയിരിക്കുന്നത്.
