മസ്കറ്റ് മ​ത്ര സ്ക്വ​യ​ർ പ​ദ്ധ​തി, അ​ടു​ത്ത വ​ർ​ഷ​ത്തി​ന്‍റെ ആ​ദ്യ​ പാദത്തിൽ 

പ്ര​ഥ​മ ബി​ൽ അ​റ​ബ് ബി​ൻ ഹൈ​തം ആ​ർ​ക്കി​ടെ​ക്ച​റ​ൽ ഡി​സൈ​ൻ അ​വാ​ർ​ഡ് നേ​ടി​യ മ​ത്ര സ്ക്വ​യ​ർ പ​ദ്ധ​തി അ​ടു​ത്ത വ​ർ​ഷ​ത്തി​ന്‍റെ ആ​ദ്യ​പാ​ദ​ത്തി​ൽ ന​ട​പ്പാ​ക്കുമെന്ന് മ​സ്ക​റ്റ് മു​നി​സി​പ്പാ​ലി​റ്റി അറിയിച്ചു. ഇ​തി​നു​ള്ള ടെ​ൻ​ഡ​ർ ന​ട​പ​ടി​ക​ളി​ലേ​ക്ക്​ ഉ​ട​ൻ ക​ട​ക്കുമെന്നും മുനിസിപ്പാലിറ്റി കൂട്ടിച്ചേർത്തു. ‘സു​സ്ഥി​ര​വും സ​മൃ​ദ്ധ​വു​മാ​യ ഭാ​വി​യി​ലേ​ക്ക്’ എന്ന ത​ല​ക്കെ​ട്ടി​ൽ ന​ട​ന്ന മ​സ്‌​ക​റ്റ് ഡ​യ​ലോ​ഗ് സെ​ഷ​നു​ക​ളി​ലാ​ണ്​ അ​ധി​കൃ​ത​ർ ഇ​തി​ന്‍റെ വി​ശ​ദാം​ശ​ങ്ങ​ൾ വെ​ളി​പ്പെ​ടു​ത്തി​യ​ത്.

പ​ദ്ധ​തി​യു​ടെ വി​ശ​ദ​മാ​യ ഭൂ​പ​ടം പൂ​ർ​ത്തി​യായിട്ടുണ്ട്. കൂടാതെ അ​ടു​ത്ത വ​ർ​ഷം പ​രി​സ്ഥി​തി ഏ​ജ​ൻ​സി​യു​മാ​യി (ഇ.​എ) ഏ​കോ​പി​പ്പി​ച്ച് ഖു​റം റി​സ​ർ​വി​നെ ഖു​റം പാ​ർ​ക്കു​മാ​യി ല​യി​പ്പി​ക്കും. ഇതോടൊപ്പം ന​ട​ത്തം, ബോ​ട്ട് സ​വാ​രി, മ്യൂ​സി​യം തു​ട​ങ്ങി​യ സൗ​ക​ര്യ​ങ്ങ​ൾ ഒ​രു​ക്കാ​നും പ​ദ്ധ​തി​യു​ണ്ട്. ക്യാ​മ്പി​ങ്​ പ്രേ​മി​ക​ൾ​ക്കാ​യി ഖു​റി​യാ​ത്തി​നെ ല​ക്ഷ്യ​സ്ഥാ​ന​മാ​ക്കി മാ​റ്റാ​നു​ള്ള പ​ദ്ധ​തി​യും പണിപ്പുരയിലാണ്.

അതേസമയം പൊ​തു​വി​പ​ണി​ക​ളും ബീ​ച്ചു​ക​ളും വി​ക​സി​പ്പി​ക്കു​ക, സം​യോ​ജി​ത ടൂ​റി​സ്റ്റ് ക്യാ​മ്പു​ക​ൾ സ്ഥാ​പി​ക്കു​ക, സ​ന്ന​ദ്ധ​പ്ര​വ​ർ​ത്ത​ന​ങ്ങ​ൾ​ക്കാ​യി ഇ​ല​ക്ട്രോ​ണി​ക് പ്ലാ​റ്റ്ഫോം സൃ​ഷ്ടി​ക്കു​ക, മ​ത്സ്യ ഉ​ൽ​പ​ന്ന​ങ്ങ​ൾ​ക്കാ​യി ഫാ​ക്‌​ട​റി രൂ​പ​വ​ത്​​ക​രി​ക്കു​ക എ​ന്നി​ങ്ങ​നെ 26 സം​രം​ഭ​ങ്ങ​ളെ കുറിച്ചും അധികൃതർ ചർച്ച ചെയ്തിട്ടുണ്ട്. കൂടാതെ സെ​ഷ​നു​ക​ളി​ൽ യു​വാ​ക്ക​ൾ അ​വ​ത​രി​പ്പി​ക്കു​ന്ന ആ​ശ​യ​ങ്ങ​ൾ യ​ഥാ​ർ​ഥ അ​വ​സ​ര പ​ദ്ധ​തി​ക​ളാ​ക്കി മാ​റ്റു​മെ​ന്ന് മ​സ്‌​ക​റ്റ് മു​നി​സി​പ്പാ​ലി​റ്റി ചെ​യ​ർ​മാ​ൻ അ​ഹ​മ്മ​ദ് ബി​ൻ ഹ​മ​ദ് അ​ൽ ഹു​മൈ​ദി പ​റ​ഞ്ഞു.