സുഹൃത്തിനെ ജീവനോടെ കത്തിച്ച പ്രതിയുടെ വധശിക്ഷ നടപ്പാക്കി സൗദി അറേബ്യ. മക്ക മേഖലയിൽ വധശിക്ഷ നടപ്പാക്കിയതായി ആഭ്യന്തര മന്ത്രാലയം പ്രസ്താവനയിൽ അറിയിച്ചു.
സൗദി അറേബ്യൻ എയർലൈൻസിലെ ഫ്ലൈറ്റ് അറ്റൻഡന്റായ ബന്ദർ ബിൻ താഹ അൽ ഖർഹാദിയാണ് അതിദാരുണമായി കൊല്ലപ്പെട്ടത്. സംഭവത്തിൽ ബറകത്ത് ബിൻ ജിബ്രീൽ അൽ-കിനാനി കുറ്റക്കാരനാണെന്ന് സൗദി കോടതി കണ്ടെത്തിയിരുന്നു.
കൊലപാതകം നടത്തി ആറാഴ്ച കഴിഞ്ഞ് 2023 ജനുവരിയിലാണ് വധശിക്ഷയ്ക്ക് വിധിച്ചത്. സൗദിയെ നടുക്കിയ ക്രൂരമായ കൊലപാതകത്തിന്റെ വീഡിയോ സോഷ്യൽ മീഡിയയിലും പ്രചരിച്ചിരുന്നു. ജിദ്ദയിൽ നിന്നുള്ള 40 കാരനായ ഫ്ലൈറ്റ് അറ്റൻഡന്റും രണ്ട് കുട്ടികളുടെ പിതാവുമായ ബന്ദർ അൽ-ഖർഹാദിയെ ബാല്യകാല സുഹൃത്തും സഹപ്ര‍വർത്തകനുമായ ബറകത്ത് അൽ-കിനാനി കാറിനുള്ളിൽ വിലങ്ങിട്ട് പെട്രോളൊഴിച്ച് തീകൊളുത്തി കൊലപ്പെടുത്തുകയായിരുന്നു.
