പ്രധാനമന്ത്രി നരേന്ദ്രമോദിയ്ക്ക് ജന്മദിനാശംസയുമായി പ്രമുഖര്‍ രംഗത്ത്. രാഷ്ട്രീയ ഭരണ മേഖലയിലെ പ്രമുഖര്‍ക്കൊപ്പം സിനിമാ താരങ്ങളും ബിസിനസ് പ്രമുഖരും ആശംസകളുമായെത്തി. രാജ്യത്തെ വിവിധ ഇടങ്ങളില്‍ ബിജെപി പ്രവര്‍ത്തകര്‍ ജന്മദിനാഘോഷ പരിപാടികൾ സംഘടിപ്പിച്ചിട്ടുണ്ട്. മധ്യപ്രദേശില്‍ സംഘടിപ്പിച്ചിട്ടു‍ളള വിവിധ പരിപാടിക‍ളില്‍ മോദി പങ്കെടുക്കും.
സോഷ്യല്‍ മീഡിയയിലൂടെയാണ് പ്രമുഖര്‍ പ്രധാനമന്ത്രിയ്ക്ക് ആശംസകൾ അര്‍പ്പിച്ചത്. കേരള മുഖ്യമന്ത്രി പിണറായി വിജയന്‍ ട്വിറ്ററിലൂടെ ജന്മദിനാശംസകള്‍ നേര്‍ന്നു. പ്രിയപ്പെട്ട നരേന്ദ്രമോദിജി, ഉഷ്മളമായ ജന്മദിനാശംസകള്‍ നേരുന്നു. എന്നാണ് പിണറായി വിജയന്‍റെ ട്വീറ്റ്.
പ്രധാന മന്ത്രിയ്‌ക്ക് ജന്മദിനാശംസകൾ നേർന്ന് മലയാളത്തിന്‍റെ പ്രിയ താരങ്ങളായ മമ്മൂട്ടിയും മോഹന്‍ലാലും രംഗത്തെത്തി. നമ്മുടെ ബഹുമാനപ്പെട്ട പ്രധാനമന്ത്രി നരേന്ദ്ര മോദിജിക്ക് ഊഷ്മളമായ ജന്മദിനാശംസകളും സ്‌നേഹവും എന്നാണ് മമ്മൂട്ടി ട്വിറ്ററില്‍ കുറിച്ചത്.
അങ്ങേയ്‌ക്ക് ആരോഗ്യവും സന്തോഷവും കൂടുതൽ വിജയവും നിറഞ്ഞ ഒരു അനുഗ്രഹീത വർഷം ഉണ്ടാകട്ടെയെന്നായിരുന്നു മോഹൻലാലിന്‍റെ ആശംസ.
