ദുല്‍ഖര്‍ സല്‍മാൻ്റെ നിര്‍മാണ കമ്പനിയായ വേഫെറര്‍ ഫിലിംസ് നിര്‍മിക്കുന്ന പുതിയ സിനിമയുടെ ലൊക്കേഷനില്‍ മമ്മൂട്ടിയെത്തിയതാണ് പുതിയസോഷ്യല്‍ മീഡിയ ട്രെൻഡിംഗ് . സിനിമയിലെ യുവതാരങ്ങള്‍ക്കൊപ്പം മമ്മൂട്ടി നില്‍ക്കുന്ന ചിത്രമാണ് പുറത്തുവന്നത്.
ചിത്രത്തിലെ താരങ്ങളായ ചന്തു സലിം കുമാര്‍, നസ്ലിന്‍, അരുണ്‍ കുര്യന്‍, ശാന്തി ബാലചന്ദ്രന്‍ എന്നിവരാണ് മമ്മൂട്ടിയുടെ ഒപ്പമുളളത്. മമ്മൂട്ടി കമ്പനി ഈ ചിത്രം പങ്കുവെച്ചതോടെ ദുൽഖർ നിർമ്മിക്കുന്ന ചിത്രത്തിൽ മമ്മൂട്ടി അതിഥിവേഷത്തിുണ്ടാകുമോ എന്ന ചോദ്യങ്ങളും ഉയരുകയാണ്.
കല്യാണി പ്രിയദര്‍ശന്‍, നസ്ലിന്‍ എന്നിവര്‍ നായികാ നായകന്മാരായി എത്തുന്ന ചിത്രത്തിൻ്റെ രചനയും സംവിധാനവും അരുണ്‍ ഡൊമിനിക്കാണ് നിര്‍വഹിക്കുന്നത്. നിമിഷ് രവിയാണ് ഛായാഗ്രഹണം.വേഫെറര്‍ ഫിലിംസ് നിര്‍മിക്കുന്ന ഏഴാമത്തെ ചിത്രമാണിത്.
