സംസ്ഥാന, ദേശീയ ചലച്ചിത്ര പുരസ്കാര ജേതാക്കളെ അഭിനന്ദിച്ച് മമ്മൂട്ടി. സാമൂഹ്യമാധ്യമത്തിലൂടെയായിരുന്നു താരം അഭിനന്ദനക്കുറിപ്പ് പങ്കുവെച്ചത്. പുരസ്കാര പ്രഖ്യാപനങ്ങൾക്ക് തൊട്ടുപിന്നാലെയായിരുന്നു താരത്തിന്റെ പ്രതികരണം.
‘ദേശീയ, സംസ്ഥാന ചലച്ചിത്ര പുരസ്കാരങ്ങൾ നേടിയ എല്ലാവർക്കും അഭിനന്ദനങ്ങൾ’ എന്നാണ് മമ്മൂട്ടി സാമൂഹ്യമാധ്യമത്തിൽ കുറിച്ചത്. ഇന്ന് പ്രഖ്യാപിച്ച ദേശീയ, സംസ്ഥാന ചലച്ചിത്ര പുരസ്കാരങ്ങളിൽ അവസാന ഘട്ടത്തിൽ വരെയെത്തിയ മമ്മൂട്ടിക്ക് പുരസ്കാരം നഷ്ടപ്പെടുകയായിരുന്നു.
അതേസമയം, തനിക്ക് പുരസ്കാരം ലഭിച്ചില്ലെങ്കിലും പുരസ്കാര ജേതാക്കളെ അഭിനന്ദിക്കാൻ കാണിച്ച മനസ് വലുതാണെന്നും ഞങ്ങളുടെ മനസിൽ അങ്ങ് തന്നെയാണ് മികച്ച അഭിനേതാവ് എന്നൊക്കെയാണ് ആരാധകർ കമന്റ് ചെയ്യുന്നത്. ജനങ്ങളുടെ സ്നേഹമാണ് മമ്മൂട്ടിക്ക് കിട്ടാവുന്ന ഏറ്റവും വലിയ പുരസ്കാരമെന്നും ചിലർ കുറിക്കുന്നുണ്ട്.
