യുഎഇയിൽ ജോലിക്കിടെ ട്രക്ക് മറിഞ്ഞ് കോഴിക്കോട് സ്വദേശിയായ യുവാവിന് ദാരുണാന്ത്യം. ബാലുശേരി അഗ്രൂൽ കുണ്ടിലാത്തോട്ട് വീട്ടിൽ ശശികുമാർ – അജിത ദമ്പതികളുടെ മകൻ അതുൽ (27) ആണ് മരണപ്പെട്ടത്. ഡ്രൈവറായി ജോലി ചെയ്തുവരികയായിരുന്നു അതുൽ.
റാക് സ്റ്റീവൻ റോക്കിൽ ഹെവി ട്രക്ക് അപകടത്തിൽപ്പെട്ടാണ് അതുൽ മരണപ്പെട്ടത്. ലോഡുമായി ക്രഷറിലേയ്ക്ക് വരികയായിരുന്ന ട്രക്ക് നിയന്ത്രണം വിട്ട് തലകീഴായി മറിയുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
അടുത്ത മാസം അവധിക്ക് നാട്ടിലേയ്ക്ക് പോകാനിരിക്കെയാണ് അതുലിന്റെ അന്ത്യം. അതുലിന്റെ വേർപാട് വിശ്വസിക്കാനാകാത്ത അവസ്ഥയിലാണ് ബന്ധുക്കളും സുഹൃത്തുക്കളും.
