യുഎഇ അൽ ദഫ്രയിൽ നടക്കുന്ന ലിവ ഡേറ്റ് ഫെസ്റ്റിവലിൻ്റേയും ലേലത്തിൻ്റേയും രണ്ടാം പതിപ്പിൽ സന്ദർശിച്ച് സായിദ് ചാരിറ്റബിൾ ആൻഡ് ഹ്യുമാനിറ്റേറിയൻ ഫൗണ്ടേഷൻ്റെ ബോർഡ് ഓഫ് ട്രസ്റ്റീസ് ചെയർമാൻ ശൈഖ് നഹ്യാൻ ബിൻ സായിദ് അൽ നഹ്യാൻ.
അൽ ദഫ്ര റീജിയണിലെ ഭരണാധികാരിയുടെ പ്രതിനിധി ശൈഖ് ഹംദാൻ ബിൻ സായിദ് അൽ നഹ്യാന്റെ രക്ഷാകർതൃത്വത്തിൽ നടക്കുന്ന പരിപാടി എമിറേറ്റ്സ് ഹെറിറ്റേജ് ക്ലബ്ബുമായി സഹകരിച്ച് അബുദാബി കൾച്ചറൽ പ്രോഗ്രാമുകളും ഹെറിറ്റേജ് ഫെസ്റ്റിവൽ കമ്മിറ്റിയുമാണ് സംഘടിപ്പിക്കുന്നത്.
ഫെസ്റ്റിവലിനോട് അനുബന്ധിച്ച് നടക്കുന്ന ആർട്ട് എക്സിബിഷനും അദ്ദേഹം സന്ദർശിച്ചു. ഫോട്ടോഗ്രാഫികളും , ഈന്തപ്പനകളുടെ പെയിന്റിംഗുകൾ, ഈന്തപ്പഴം, അൽ ദഫ്ര മേഖലയിലെ പരിസ്ഥിതി എന്നിവയുൾപ്പെടെ 205 കലാസൃഷ്ടികളാണ് ആർട്ട് എക്സിബിഷനിൽ ഉളളത്.
അന്താരാഷ്ട്ര പത്രങ്ങളിൽ നിന്നും പ്രസിദ്ധീകരണങ്ങളിൽ നിന്നുമുള്ള വാർത്താ ലേഖനങ്ങൾ പ്രദർശിപ്പിക്കുന്ന അൽ ദഫ്ര പ്രദർശനത്തിലും ശൈഖ് നഹ്യാൻ ബിൻ സായിദ് അൽ നഹ്യാൻ പര്യടനം നടത്തി.
