കുവൈത്ത് ദുരന്തവുമായി ബന്ധപ്പെട്ട കേസിൽ അറസ്റ്റിലായ പ്രതികൾക്ക് ജാമ്യം അനുവദിച്ചു. പ്രതികളായ ഒരു കുവൈത്ത് പൗരനെയും മൂന്ന് ഇന്ത്യക്കാരെയും നാല് ഈജിപ്‌തുകാരെയും 300 ദിനാർ വീതം ജാമ്യത്തിൽ വിട്ടയക്കാനാണ് കുവൈത്ത് കോടതി ഉത്തരവിട്ടത്.
കൊലപാതകം, വ്യാജ സാക്ഷി പറയൽ, കുറ്റവാളികളെ രക്ഷപ്പെടാൻ സഹായിക്കൽ, അപകടത്തിൽ പരിക്കേൽപ്പിക്കൽ, അനാസ്ഥ എന്നീ കുറ്റങ്ങൾ ഇവർക്കെതിരെ ചുമത്തിയിരുന്നു. ദുരന്തവുമായി ബന്ധപ്പെട്ട് പ്രതികളെ രണ്ടാഴ്ചത്തേക്ക് തടവിൽ വയ്ക്കാൻ പബ്ലിക് പ്രോസിക്യൂഷൻ തീരുമാനിച്ചിരുന്നു.
ജാമ്യത്തിൽ പുറത്തിറങ്ങിയെങ്കിലും അന്വേഷണം തുടരുന്ന സാഹചര്യത്തിൽ നിയമനടപടികൾക്ക് സാധ്യതയുണ്ട്. കുവൈത്തിലെ മൻഗഫിലുണ്ടായ തീപിടിത്തത്തിൽ മലയാളികൾ ഉൾപ്പെടെ 49 പേരാണ് മരിച്ചത്.
