‘വീണ്ടും റദ്ദാക്കൽ’, ബുധനാഴ്ചയിലെ കോ​ഴി​ക്കോ​ട്-​കു​വൈ​റ്റ് വിമാനം റദ്ദാക്കി എയർ ഇന്ത്യ എക്സ്പ്രസ്സ് 

എ​യ​ർ ഇ​ന്ത്യ എ​ക്സ്പ്ര​സി​ൽ വീ​ണ്ടും സ​ർ​വി​സ് റ​ദ്ദാ​ക്ക​ൽ. ഈ ​മാ​സം ആ​റി​ന് സർവീസ് നടത്തേണ്ടിയിരുന്ന കോ​ഴി​ക്കോ​ട്-​കു​വൈ​റ്റ് വിമാനമാണ് റ​ദ്ദാ​ക്കിയത്. ചൊ​വ്വാ​ഴ്ച​ക​ളി​ൽ സ​ർ​വി​സ് ഇ​ല്ലാ​ത്ത​തി​നാ​ൽ ബു​ധ​നാ​ഴ്ച​യി​ലേ​ക്ക് നി​ര​വ​ധി പേ​ർ ടി​ക്ക​റ്റ് ബു​ക്ക് ചെ​യ്തി​രു​ന്നു. എന്നാൽ സ​ർ​വി​സ് റ​ദ്ദാ​ക്കി​യ​ത് യാ​ത്ര​ക്കാ​രെ കൂടുതൽ പ്ര​യാ​സ​ത്തി​ലാ​ക്കിയിരിക്കുകയാണ്.

അ​ടു​ത്തി​ടെ​ എ​യ​ർ ഇ​ന്ത്യ എ​ക്സ്പ്ര​സ് കൃ​ത്യ​മാ​യ സ​ർ​വി​സ് ന​ട​ത്തി​വ​രു​ക​യാ​യി​രു​ന്നു. അ​തി​നി​ടെ​യാ​ണ് ഈ​യാ​ഴ്ച ര​ണ്ടാ​മ​ത്തെ ഷെ​ഡ്യൂ​ൾ മാ​റ്റം വരുത്തിയിരിക്കുന്നത്. ന​വം​ബ​ർ 30, ഡി​സം​ബ​ർ എ​ഴ് തീ​യ​തി​ക​ളി​ലായി കു​വൈ​റ്റി​ൽ നി​ന്നു​ള്ള ക​ണ്ണൂ​ർ എ​യ​ർ​ഇ​ന്ത്യ എ​ക്സ്പ്ര​സു​ക​ളും റ​ദ്ദാ​ക്കി​യി​ട്ടു​ണ്ട്. ഈ ​തീ​യ​തി​ക​ൾ​ക്ക് പക​രം തൊ​ട്ട​ടു​ത്ത ദി​വ​സ​ങ്ങ​ളി​ലായി സ​ർ​വി​സ് പ്ര​ഖ്യാ​പി​ച്ചി​ട്ടു​ണ്ട്. പ്ര​വ​ർ​ത്ത​ന​പ​ര​മാ​യ കാ​ര​ണ​ങ്ങ​ളാ​ലാ​ണ് സ​ർ​വി​സു​ക​ളി​ൽ മാറ്റം വരാനുണ്ടായ കാരണമെ​ന്നാ​ണ് സൂ​ച​ന.

അതേസമയം സീ​സ​ൺ സ​മ​യ​ത്ത് ടി​ക്ക​റ്റി​ന് വ​ലി​യ തുക ന​ൽ​കേ​ണ്ടി വ​രു​മെ​ന്ന​തി​നാ​ൽ പ്ര​വാ​സി​ക​ളി​ൽ നി​ര​വ​ധി പേ​ർ മാ​സ​ങ്ങ​ൾ​ക്ക് മുൻപേ ചെ​റി​യ നി​ര​ക്കി​ൽ ടി​ക്ക​റ്റ് എ​ടു​ക്കു​ന്ന​ത് പ​തി​വാ​ണ്. എ​ന്നാ​ൽ, വി​മാ​നം പു​റ​പ്പെ​ടു​ന്ന​തി​ന്റെ ദി​വ​സ​ങ്ങ​ൾ​ക്കു മുൻപേ റ​ദ്ദാ​ക്കു​ന്ന​തി​ലൂ​ടെ പെ​ട്ടെ​ന്ന് പു​തി​യ ടി​ക്ക​റ്റ് എ​ടു​ക്കാ​ൻ ഇവർ വ​ലി​യ തു​ക​ ന​ൽ​കേ​ണ്ടി വരും. ചെ​റി​യ ലീ​വി​ന് പോ​കു​ന്ന​വ​രെ ഇ​ത് പ്ര​തി​കൂ​ല​മാ​യി ബാ​ധി​ക്കുന്നുണ്ട്. റ​ദ്ദാ​ക്കി​യ​വ​ർ​ക്ക് മു​ഴു​വ​ൻ റീ​ഫ​ണ്ട് ല​ഭി​ക്കു​മെ​ങ്കി​ലും അ​ന്നേ ദി​വ​സം മ​റ്റൊ​രു വി​മാ​ന​ത്തി​ന് നേ​ര​ത്തെ ന​ൽ​കി​യ തു​ക​ക്ക് ടി​ക്ക​റ്റ് ല​ഭി​ക്കു​ക എന്നത് പ്രയാസകരമാണ്.