യുഎഇയിൽ മികച്ച ശമ്പളത്തിൽ നല്ലൊരു ജോലിയാണ് നിങ്ങൾ ആന്വേഷിക്കുന്നതെങ്കിൽ ഇതാ ഒരു സുവർണാവസരം. മലയാളികൾക്ക് 5,000 ദിർഹം ശമ്പളത്തോടൊപ്പം വിവിധ ആനുകൂല്യങ്ങളും ലഭിക്കുന്ന ജോലി ഒഴിവുകളാണ് വന്നിരിക്കുന്നത്. കേരള സ‍ർക്കാർ സ്ഥാപനമായ ഒഡെപെക് വഴിയാണ് ജോലി ലഭിക്കുക.
യുഎഇയിലേക്ക് പുരുഷ നഴ്സുമാർക്കാണ് ഈ അവസരം വന്നിരിക്കുന്നത്. 5,000 ദിർഹമാണ് പ്രതിമാസ ശമ്പളം ലഭിക്കുക. വിസ, എയർ ടിക്കറ്റ്, താമസ സൗകര്യം, മെഡിക്കൽ ഇൻഷുറൻസ് ഉൾപ്പെടെയുള്ളവയും സൗജന്യമായിരിക്കും. നഴ്സിംഗ് ബിരുദവും ഐസിയു, എമർ‍ജൻസി, അർജന്റ് കെയർ, ക്രിട്ടിക്കൽ കെയർ, ഓയിൽ ആന്റ് ഗ്യാസ് നഴ്സിങ് എന്നീ ഏതെങ്കിലും മേഖലകളിൽ രണ്ട് വർഷത്തിൽ കുറയാത്ത പ്രവൃത്തി പരിചയം ഉള്ളവർക്കാണ് അപേക്ഷിക്കാൻ സാധിക്കുക.
അതോടൊപ്പം പ്രായപരിധി 40 വയസാണ്. മാത്രമല്ല, DOH ലൈസൻസ് ഉള്ളവർക്ക് മുൻഗണനയും ലഭിക്കും. താത്പര്യമുള്ള ഉദ്യോഗാർത്ഥികൾ ബയോഡാറ്റ, പാസ്പോർട്ട് എന്നിവ ഓഗസ്റ്റ് 10ന് മുമ്പായി [email protected] എന്ന ഈമെയിലിലേക്ക് അയക്കേണ്ടതാണ്. കൂടുതൽ വിവരങ്ങൾക്ക് www.odepc.kerala.gov.in എന്ന വെബ്സൈറ്റ് സന്ദർശിക്കുകയോ 0471-2329440, 2329441, 2329442, 2329445, 7736496574 നമ്പറിൽ ബന്ധപ്പെടുകയോ ചെയ്യാം.
