ഇന്ത്യൻ സൂപ്പർ ലീഗ് (ഐ.എസ്.എൽ) 2024-25 സീസണിന് സെപ്റ്റംബർ 13-ന് തുടക്കമാകും. കൊൽക്കത്തയിൽ നടക്കുന്ന ഉദ്ഘാടന മത്സരത്തിൽ മോഹൻ ബഗാൻ സൂപ്പർ ജയന്റ്സ് നിലവിലെ ചാമ്പ്യന്മാരായ മുംബൈ സിറ്റി എഫ്.സിയെ നേരിടും. കഴിഞ്ഞ സീസണിലെ ഫൈനലിലും ഇരുടീമുകളുമാണ് ഏറ്റുമുട്ടിയത്.
സീസണിൽ 13 ടീമുകളാണ് ടൂർണമെൻ്റിനുള്ളത്. സെപ്റ്റംബർ 15-ന് പഞ്ചാബ് എഫ്.സിക്കെതിരെ കൊച്ചിയിലെ ജവാഹർലാൽ നെഹ്റു സ്റ്റേഡിയത്തിലാണ് കേരള ബ്ലാസ്റ്റേഴ്‌സിൻ്റെ ആദ്യ മത്സരം നടക്കുക.
പുതിയ പരിശീലകൻ മിക്കേൽ സ്റ്റാറേയ്ക്ക് കീഴിൽ ആദ്യമായാണ് ബ്ലാസ്റ്റേഴ്‌സ് ഐ.എസ്.എല്ലിനിറങ്ങുന്നത്. സെപ്റ്റംബർ 29-ന് നോർത്ത് ഈസ്റ്റ് യുണൈറ്റഡ് എഫ്.സിക്കെതിരേ ആദ്യ എവേ മത്സരവും നടക്കും.
