ട്വൻ്റി-20 ലോകകപ്പിലെ ആദ്യ മത്സരത്തിന് ഇന്ത്യ ഇന്നിറങ്ങും. ന്യൂയോർക്കിൽ നടക്കുന്ന മത്സരത്തിൽ അയർലണ്ടിനെയാണ് ഇന്ത്യ നേരിടുക. മികച്ച ജയത്തോടെ പോരാട്ടം ആരംഭിക്കാനാണ് ഇന്ത്യ ആഗ്രഹിക്കുന്നത്.
കോഹ്ലി ഇന്ന് ടീമിലേക്ക് തിരികെയെത്തും. സകോഹ്ലിയും രോഹിത് ശർമ്മയും ആകും ഇന്ത്യക്ക് ആയി ഓപ്പൺ ചെയ്യുക. വൺ ഡൗൺ ആയി പന്ത് ഇറങ്ങാനായുള്ള സാധ്യതയും ഉണ്ട്. സന്നാഹ മത്സരം കളിച്ച ടീമിൽ നിന്ന് മലയാളി താരം സഞ്ജു സാംസൺ ആകും കോഹ്ലിക്ക് പകരം പുറത്ത് പോവുക.
കൂറ്റൻ സ്കോറുകൾക്ക് പകരം സ്ഥിരതയാർന്ന പ്രകടനത്തിനാകും ഇന്ത്യ മുൻതൂക്കം നൽകുന്നത്. കോഹ്ലിയുടേയും രോഹിതിൻ്റേയും പരിചയ സമ്പന്നത ഇന്ത്യയ്ക്ക് മുതൽ കൂട്ടാകുമെന്നാണ് പ്രതീക്ഷ. സന്നാഹ മത്സരത്തിൽ തിളങ്ങാൻ കഴിയാഞ്ഞതാണ് സഞ്ജുവിന് വിനായായത്. ഇന്ത്യൻസമയം രാത്രി എട്ട് മണിക്കാണ് മത്സരം. ഹോട്സ്റ്റാറിലും സ്റ്റാർസ്പോർട്സിലും മത്സരം തത്സമം കാണാം.
