ഐസിസി ടെസ്റ്റ് ബാറ്റർമാരുടെ റാങ്കിംഗിൽ രോഹിത് ശർമ്മയ്ക്ക് സ്ഥാനക്കയറ്റം. ഏറെക്കാലത്തിന് ശേഷം ആദ്യ പത്തിൽ ഇടം പിടിച്ചിരിക്കുകയാണ് ഇന്ത്യൻ ക്യാപ്റ്റൻ. 751 പോയിൻ്റ് നേടിയാണ് രോഹിതിൻ്റെ മുന്നേറ്റം . അതേസമയം മുൻ ക്യാപ്റ്റൻ വിറാട് കോലി 14ആം സ്ഥാനത്ത് തുടരുകയാണ്.
വെസ്റ്റിൻ്റീസിന് എതിരായ ആദ്യ ടെസ്റ്റിൽ സെഞ്ച്വറി നേടിയതാണ് രോഹിത് ശർമ്മയ്ക്ക് തുണയായത്. അരങ്ങേറ്റ മത്സരത്തിലെ സെഞ്ച്വറി പ്രകടനം പുറത്തെടുത്ത യശ്വസി ജയ്സ്വാൾ ആദ്യ നൂറിൽ ഇടംപിടിച്ചതും ശ്രദ്ധേയമായി. 73ആം സ്ഥാനത്താണ് ജയ്സ്വാൾ. കാറടപകടത്തിൽ പരുക്കേറ്റ് കഴിയുന്ന ഋഷഭ് പന്ത് ആദ്യപത്തിൽനിന്ന് 11ആം സ്ഥാനത്തേക്ക് പിന്തള്ളപ്പെട്ടതും ശ്രദ്ധേയമായി.
വിൻഡീസിനെതിരായ വിജയത്തോടെ ഇന്ത്യൻ ബൌളർമാരും റാങ്കിങ്ങിൽ നേട്ടമുണ്ടാക്കി. രവീന്ദ്ര ജഡേജ 10ആം സ്ഥാനത്തുനിന്ന് ഏഴാം സ്ഥാനത്തെത്തിയപ്പോൾ ഇന്ത്യയുടെ ആർ അശ്വിൻ ഒന്നാം സ്ഥാനം നിലനിർത്തി. ഓൾറൗണ്ടർമാരുടെ പട്ടികയിലും ഇരുവരും മുന്നിലാണ്. രവീന്ദ്ര ജഡേജ ഒന്നാമതും ആർ അശ്വിൻ രണ്ടാമതുമാണ്.
