ഈജിപ്തിൽ നിന്നും ദക്ഷിണാഫ്രിക്കയിൽ നിന്നുമുള്ള രണ്ട് പൈലറ്റുമാരുമായി വ്യാഴാഴ്ച രാത്രി 8.30 ന് നടന്ന പരിശീലന യാത്രയ്ക്കിടെ ഹെലികോപ്റ്റർ യുഎഇ കടൽ തീരത്ത് തകർന്ന് വീണു. കാണാതായ രണ്ട് പൈലറ്റുകൾക്ക്‌ വേണ്ടിയുള്ള വ്യാപകമായ തിരച്ചിൽ തുടരുകയാണ്. അൽ മക്തും അന്താരാഷ്ട്ര വിമാനത്താവളത്തിൽ നിന്നാണ് ഹെലികോപ്റ്റർ പറന്നുയർന്നത്.
എയ്റോഗൾഫിന്റെ ഉടമസ്ഥതയിലുള്ള എ6 – എ എൽ ഡി രജിസ്‌ട്രേഷനുള്ള ബെൽ 212 ഹെലികോപ്റ്റർ ആണ് കടലിൽ വീണതെന്ന് സിവിൽ ഏവിയേഷൻ അതോറിറ്റി അറിയിച്ചു. സെർച്ച്‌ അൻഡ് റെസ്ക്യൂ ടീമുകൾ ഹെലികോപ്റ്ററിന്റെ അവശിഷ്ടങ്ങൾ കണ്ടെത്തിയിട്ടുണ്ട്.
