യുഎഇയിലെ പ്രതികൂല കാലാവസ്ഥ മൂലം ദുബായ് അന്താരാഷ്ട്ര വിമാനത്താവളത്തിലേക്കുള്ള (ഡിഎക്സ്ബി) 13 വിമാനങ്ങൾ വഴിതിരിച്ചുവിട്ടു. ശനിയാഴ്ച രാവിലെയാണ് വിമാനങ്ങൾ മറ്റ് എയർപോർട്ടുകളിലേക്ക് വഴിതിരിച്ചുവിട്ടത്.
മാർച്ച് 9 ശനിയാഴ്ച രാവിലെ മുതൽ പ്രതികൂല കാലാവസ്ഥ ദുബായ് അന്താരാഷ്ട്ര വിമാനത്താവളത്തിൻറെ സാധാരണനിലയിലുള്ള പ്രവർത്തനത്തെ ബാധിച്ചതായി എയർപോർട്ട് അധികൃതർ സ്ഥിരീകരിച്ചു.
ഇതേ തുടർന്ന് 13 വിമാനങ്ങൾ അടുത്തുള്ള മറ്റ് വിമാനത്താവളങ്ങളിലേക്ക് വഴിതിരിച്ചുവിട്ടതായും ദുബായ് അന്താരാഷ്ട്ര വിമാനത്താവള അധികൃതർ വ്യക്തമാക്കി.
