ഖത്തർ അൽബിദ പാർക്കിൽ സംഘടിപ്പിക്കപ്പെടുന്ന ഹോർട്ടികൾച്ചറൽ എക്സ്പോയിലേയ്ക്കുള്ള പ്രവേശനത്തിന് ഹയ കാർഡ് ഏർപ്പെടുത്തും. ഒക്ടോബർ രണ്ട് മുതൽ നടക്കുന്ന എക്സ്പോയിലേക്ക് ഹയ കാർഡ് ഉപയോഗിച്ച് സന്ദർശകർക്ക് പ്രവേശനം അനുവദിക്കാനാണ് തീരുമാനിച്ചിരിക്കുന്നത്. പ്രവേശന വിസ എന്ന നിലയിലാണ് ഹയ കാർഡ് അവതരിപ്പിക്കുക.
ഫിഫ ലോകകപ്പിൽ ഹയ കാർഡ് ഉപയോഗിച്ചായിരുന്നു ആരാധകർക്ക് രാജ്യത്തേക്ക് പ്രവേശനം അനുവദിച്ചിരുന്നത്. അത് വലിയ വിജയമായതോടെയാണ് ദോഹ എക്സ്പോയിലും ഹയ കാർഡ് ഉപയോഗിക്കാൻ അധികൃതർ തീരുമാനിച്ചത്. കാർഡ് സംബന്ധിച്ച കൂടുതൽ വിവരങ്ങൾ വരും ദിവസങ്ങളായി അറിയിക്കുമെന്നും അധികൃതർ വ്യക്തമാക്കി.
