ഫോർമുല 1 എത്തിഹാദ് എയർവേയ്‌സ് അബുദാബി ഗ്രാൻഡ് പ്രി 2023 ജേതാവായ മാക്സ് വെർസ്റ്റാപ്പന് എച്ച്.എച്ച് ഷെയ്ഖ് ഹംദാൻബിൻ മുഹമ്മദ് ബിൻ സായിദ് ട്രോഫി സമ്മാനിച്ചു. അവാർഡ് ദാന ചടങ്ങിൽ അബുദാബി സാംസ്‌കാരിക ടൂറിസം വകുപ്പ് ചെയർമാൻ മുഹമ്മദ് ഖലീഫ അൽ മുബാറക് പങ്കെടുത്തു. സാറാ അവധ് മുസല്ലം, അബുദാബി വിദ്യാഭ്യാസ വിജ്ഞാന വകുപ്പ് ചെയർപേഴ്‌സൺ ഡോ. മുഹമ്മദ് അലി അൽ ഷൊറഫ, മുനിസിപ്പാലിറ്റി ആൻഡ് ട്രാൻസ്പോർട്ട് വകുപ്പ് ചെയർമാൻ ഡോ. ഒപ്പം ഫെഡറേഷൻ ഇന്റർനാഷണൽ ഡി എൽ ഓട്ടോമൊബൈൽ (എഫ്ഐഎ) പ്രസിഡന്റ് മുഹമ്മദ് ബെൻ സുലായം എന്നിവരും സന്നിഹിതരായിരുന്നു.
യാസ് മറീന സർക്യൂട്ടിൽ ഞായറാഴ്ച വൈകീട്ട് നടന്ന അബൂദബി ഗ്രാൻഡ് പ്രീയുടെ ഫൈനലിൽ റെഡ് ബുള്ളിന്റെ മാക്സ് വെർസ്റ്റാപ്പൻ ജേതാവായത്. 26 പോയന്റോടെയാണ് ഡച്ച് താരം ചാമ്പ്യനായത്. ഫെരാരിയുടെ ചാൾസ് ലെക്ലർക്കിനെ (18 പോയന്റ്) 10 സെക്കൻഡിന് പിന്നിലാക്കിയാണ് മാക്സ് വെർസ്റ്റാപ്പൻ കിരീടം ചൂടിയത്. സീസണിലെ 19ാം ജയം വെർസ്റ്റാപ്പൻ ഇതിലൂടെ സ്വന്തമാക്കി.
സെർജിയോ പെരസ് രണ്ടാം സ്ഥാനത്ത് ഫിനിഷ് ചെയ്തെങ്കിൽ മത്സരത്തിനിടെ ലാൻഡോ നോറിസിന്റെ വാഹനവുമായി കൂട്ടിയിടിച്ചതിന് 5 സെക്കൻഡ് പെനാൽറ്റി നൽകിയതോടെ നാലാം സ്ഥാനത്തേക്ക് പിന്തള്ളപ്പെടുകയായിരുന്നു. അബൂദബി ഗ്രാൻഡി പ്രീയുടെ ഫൈനലിനോടനുബന്ധിച്ച് കാണികൾക്ക് പരിപാടിയുടെ മുഖ്യ സ്പോൺസറായ ഇത്തിഹാദ് എയർവേസും യു.എ.ഇയുടെ ഏറോബാറ്റിക് ടീമായ അൽ ഫുർസാൻ അൽ ഇമാറാത്തും ദൃശ്യവിരുന്നൊരുക്കി.
