അവധി ദിനങ്ങളില്‍ വിസ സേവനങ്ങൾക്ക് സ്മാര്‍ട്ട് ചാനലുകള്‍ ഉപയോഗപ്പെടുത്തണമെന്ന് അറിയിപ്പ്. സ്മാര്‍ട്ട് ആപ്ലിക്കേഷന്‍ വ‍ഴിയും വെബ്സൈറ്റ് വ‍ഴിയും ഒട്ടുമിക്ക േസവനങ്ങളും ലഭ്യമാകുമെന്ന് അധികൃതര്‍ വ്യക്തമാക്കി.
അതേസമയം ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് സേവനങ്ങൾ ബലിപ്പെരുന്നാൾ അവധി ദിനങ്ങളിലും ലഭ്യമാകുമെന്ന് ജി.ഡി.ആർ.എഫ്.എ ദുബൈ മേധാവി ലഫ്. ജനറൽ മുഹമ്മദ് അഹ്‌മദ്‌ അൽ മർറി അറിയിച്ചു. ദുബായിലെ വിസാ സംബന്ധമായ ഏത് അന്വേഷണങ്ങള്‍ക്കും ടോൾ ഫ്രീ നമ്പറായ 800 5111 എന്ന നമ്പറില്‍ വിളിക്കാമെന്നും അദ്ദേഹം സൂചിപ്പിച്ചു.
അല്‍ അവീറിലെ കസ്റ്റമർ ഹാപ്പിനസ് ക്ലിയറൻസ് ഡിപ്പാർട്ട്മെൻറ് ജൂലെ 8 മുതൽ 11വരെ ഉപഭോക്താക്കളെ സ്വീകരിക്കും. രാവിലെ ആറുമുതൽ രാത്രി 10വരെ സേവനം നല്‍കും. അടിയന്തര സേവനങ്ങൾക്ക് ദുബായ് അന്താരാഷ്ട്ര വിമാനത്താവളം ടെര്‍മിനല്‍ മൂന്നിലെ ജി.ഡി.ആർ.എഫ്.എ ഓഫിസ് 24 മണിക്കൂറും പ്രവര്‍ത്തിക്കുമെന്നും അധികൃതര്‍ അറിയിച്ചു.
