യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ ഫ്രം ദി ഡെസേർട്ട് ടു സ്പേസ് എന്ന പുസ്തകത്തിന്റെ പകർപ്പുകൾ വിതരണം ചെയ്യുന്നതിനുള്ള പുതിയ സംരംഭം ആരംഭിച്ചതായി ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജിഡിആർഎഫ്എ). ദുബായിലേക്ക് വരുന്ന കുട്ടികൾക്കായി ഷെയ്ഖ് മുഹമ്മദിന്റെ പുസ്തകം GDRFA ദുബായ് വിതരണം ചെയ്യും. ദുബായ് എമിറേറ്റിൽ ഹിസ് ഹൈനസ് അധികാരമേറ്റതിന്റെ 18-ാം വാർഷികാഘോഷത്തിന്റെ ഭാഗമായാണ് ഈ സംരംഭം.
ദുബായ് വിമാനത്താവളങ്ങൾ വഴി എത്തുന്ന കുട്ടികളുമായി ആശയവിനിമയം മെച്ചപ്പെടുത്തുകയാണ് ലക്ഷ്യമെന്ന് ലെഫ്റ്റനന്റ് ജനറൽ അൽ മാരി പറയുന്നു. എമിറേറ്റ് സാക്ഷ്യം വഹിച്ച വികസനത്തിന്റെയും നൂതനത്വത്തിന്റെയും പാതകളിലേക്ക് അവരെ പരിചയപ്പെടുത്തുന്നതിനൊപ്പം തന്നെ അവർക്ക് ശരിയായ രീതിയിൽ പ്രചോദിപ്പിക്കാനും കഴിയുന്ന തരത്തിൽ അവർക്ക് പ്രചോദനാത്മകവും വിദ്യാഭ്യാസപരവുമായ സന്ദേശം നൽകാനാണ് ഈ പുസ്തകത്തിന്റെ വിതരണത്തിലൂടെ ദുബായ് ജിഡിആർഎഫ്എ ശ്രമിക്കുന്നതെന്ന് അദ്ദേഹം പറഞ്ഞു.
കുട്ടികളിൽ വായനയോടുള്ള ഇഷ്ടവും സർഗ്ഗാത്മക ചിന്തയും വർദ്ധിപ്പിക്കുന്നതിന് ഈ സംരംഭം സഹായമാകുമെന്നും അദ്ദേഹം പ്രതീക്ഷിക്കുന്നു, അറബിക്, ഇംഗ്ലീഷ് എന്നീ രണ്ട് ഭാഷകളിലും പുസ്തകം കുട്ടികൾക്ക് നൽകുന്നുണ്ട്. ദുബായുടെ തനതായ ചരിത്രം വായിക്കാനും ശ്രദ്ധിക്കാനും കുട്ടികളെ പ്രോത്സാഹിപ്പിക്കാനുള്ള രക്ഷിതാക്കൾക്കുള്ള സന്ദേശമായി ഇത് കണക്കാക്കപ്പെടുന്നു. കുട്ടികൾക്കായി സമർപ്പിക്കപ്പെട്ട ലോകത്തിലെ ആദ്യത്തെ പ്ലാറ്റ്‌ഫോമാണ് ദുബായിലെ GDRFA.
