കാൽനട യാത്രക്കാരുടെ ശ്രദ്ധയ്ക്ക്…ഖത്തറിലെ റോഡുകൾ മുറിച്ച് കടക്കുമ്പോൾ നിങ്ങൾ ശ്രദ്ധിക്കേണ്ട കാര്യങ്ങൾ ഇതൊക്കെയാണ് 

കാ​ൽ​ന​ട യാ​ത്ര​ക്കാ​രുടെ ശ്രദ്ധയ്ക്ക്, നി​ർ​ദി​ഷ്ട മേ​ഖ​ല​ക​ളി​ലൂ​ടെ മാ​ത്രം റോ​ഡ് മു​റി​ച്ചു​ക​ട​ക്ക​ണ​മെ​ന്ന് ഓ​ർ​മി​പ്പിച്ച് ഖ​ത്ത​ർ ആ​ഭ്യ​ന്ത​ര മ​ന്ത്രാ​ല​യം. സ​മൂ​ഹ​മാ​ധ്യ​മ​ങ്ങ​ളി​ലൂടെയാണ് നി​ർ​ദേ​ശ​ങ്ങ​ളും റോ​ഡ് സു​ര​ക്ഷ​യു​ടെ ​പ്ര​ധാ​ന്യവും അ​ധി​കൃ​ത​ർ അ​റി​യി​ച്ച​ത്. തി​ര​ക്കേ​റി​യ റോ​ഡു​ക​ളി​ൽ കാ​ൽ​ന​ട​യായി യാ​ത്ര​ ചെയ്യുന്നവർക്ക് സീ​ബ്രാ​ലൈ​നു​ക​ൾ ഉ​പ​യോ​ഗി​ക്കു​ക, ട്രാ​ഫി​ക് പോ​യ​ന്റു​ക​ളി​ൽ സൂ​ച​ന​യാ​യ ‘ഗ്രീ​ൻ’ സി​ഗ്ന​ന​ലു​ക​ൾ അ​നു​സ​രി​ച്ച് റോ​ഡ് മു​റി​ച്ചു​ക​ട​ക്കു​ക എ​ന്നീ നി​ർ​ദേ​ശ​ങ്ങ​ൾ മന്ത്രാലയം ന​ൽ​കി. ട്രാ​ഫി​ക് സി​ഗ്ന​ലു​ക​ള്‍ പാ​ലി​ക്കു​ന്ന​ത് ഉ​റ​പ്പാ​ക്ക​ണ​മെ​ന്നും ന​ട​പ്പാ​ത​ക​ള്‍ ഉ​പ​യോ​ഗി​ക്ക​ണ​മെ​ന്നും മന്ത്രാലയം കൂട്ടിച്ചേർത്തു.

മാത്രമല്ല, മോ​ട്ടോ​ർ സൈ​ക്കി​ൾ ഡെ​ലി​വ​റി ഡ്രൈ​വ​ർ​മാ​ർ റോ​ഡി​ന്റെ വ​ല​തു ട്രാ​ക്ക് ഉ​പ​യോ​ഗി​ക്ക​ണ​മെ​ന്ന് മ​റ്റൊ​രു പോ​സ്റ്റി​ൽ ട്രാ​ഫി​ക് വി​ഭാ​ഗം അ​റി​യിച്ചിട്ടുണ്ട്. അതേസമയം നി​ർ​ദേ​ശം തെ​റ്റി​ച്ചുകൊണ്ട് ബൈ​ക്ക് ഓ​ടി​ക്കു​ന്ന​വ​ർ​ക്കെ​തി​രെ ജ​നു​വ​രി 15 മു​ത​ൽ പി​ഴ ചു​മ​ത്തി തു​ട​ങ്ങി​യി​രു​ന്നു. ​മോ​ട്ടോ​ർ സൈ​ക്കി​ൾ യാ​ത്രി​ക​ർ അ​പ​ക​ട​ത്തി​ൽ​പെ​ടു​ന്ന​ത് ഒ​ഴി​വാ​ക്കുന്നതിനും സു​ര​ക്ഷ ഉ​റ​പ്പാ​ക്കുന്നതിനുമായി നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്നും മന്ത്രാലയം കൂട്ടിച്ചേർത്തു.