ഫ്ലെ​ക്സി​ബി​ൾ ജോ​ലി​സ​മ​യം ന​ട​പ്പാ​ക്കാനൊരുങ്ങി കുവൈറ്റ്‌ മുനിസിപ്പാലിറ്റി 

ഇനി ജോലി ചെയ്യാൻ ആഗ്രഹിക്കുന്ന സമയം ജീവനക്കാർക്ക് സ്വയം തിരഞ്ഞെടുക്കാം. ഫ്ലെ​ക്സി​ബി​ൾ ജോ​ലി​സ​മ​യം ന​ട​പ്പാ​ക്കാനൊരുങ്ങുകയാണ് കു​വൈ​റ്റ് മു​നി​സി​പ്പാ​ലി​റ്റി​. ഇ​ത് സം​ബ​ന്ധ​മാ​യ ഉ​ത്ത​ര​വ് മു​നി​സി​പ്പ​ൽ കൗ​ൺ​സി​ൽ ആ​ക്ടി​ങ് സെ​ക്ര​ട്ട​റി ജ​ന​റ​ൽ ഡോ. ​ഫ​ഹ​ദ് അ​ൽ ഒതൈ​ബി പു​റ​ത്തി​റ​ക്കി. പു​തി​യ സ​മ​യ​ക്ര​മം അനുസരിച്ച് രാ​വി​ലെ ഏ​ഴ് മണി മുത​ൽ ഒ​മ്പ​ത് മണി വ​രെ ജീ​വ​ന​ക്കാ​ര്‍ക്ക് ജോ​ലി​യി​ല്‍ പ്ര​വേ​ശി​ക്കാവുന്നതാണ്. പ്ര​തി​ദി​നം ഏ​ഴ് മ​ണി​ക്കൂ​റാ​യി​രി​ക്കും ഇനി മുതൽ പ്ര​വൃ​ത്തി സ​മ​യം. യോ​ജി​ക്കു​ന്ന സ​മ​യം ജീ​വ​ന​ക്കാ​ർ​ സ്വയം തി​ര​ഞ്ഞെ​ടു​ക്കുന്നതിനോടൊപ്പം 30 മി​നി​റ്റ് ഗ്രേ​സ് പി​രീ​ഡും അ​നു​വ​ദി​ക്കും.

പു​തി​യ നി​യ​മം തൊ​ഴി​ലാ​ളി​ക​ളു​ടെ ഉ​ൽ​പാ​ദ​ന​ക്ഷ​മ​ത വ​ർ​ധി​പ്പി​ക്കാൻ കാരണമാവും. മാത്രമല്ല, നി​ല​വി​ലെ രൂ​ക്ഷ​മാ​യ ഗ​താ​ഗ​ത പ്ര​ശ്ന​ത്തി​ന് ഒരു പ​രി​ധി വ​രെ പ​രി​ഹാ​ര​മാ​കുകയും ചെയ്യുമെന്നാണ് അ​ധി​കൃ​ത​ർ പ്ര​തീ​ക്ഷി​ക്കു​ന്ന​ത്. എന്നാൽ ഇത് സംബന്ധിച്ച സ​ർ​ക്കു​ല​ർ പു​റ​പ്പെ​ടു​വി​ച്ച് അ​ഞ്ച് പ്ര​വൃ​ത്തി ദി​വ​സ​ത്തിനകം തന്നെ അ​വ​രു​ടെ വ​കു​പ്പു​ക​ളി​ലൂ​ടെ തി​ര​ഞ്ഞെ​ടു​ത്ത സ​മ​യ​ത്തെ​ക്കു​റി​ച്ച് അ​ഡ്മി​നി​സ്ട്രേ​റ്റി​വ് അ​ഫ​യേ​ഴ്സ് ഡി​പ്പാ​ർ​ട്ട്മെ​ന്റി​നെ ജീ​വ​ന​ക്കാ​ർ അ​റി​യി​ക്ക​ണ​മെന്ന് മു​നി​സി​പ്പ​ല്‍ അ​ധി​കൃ​ത​ര്‍ അ​റി​യി​ച്ചു. ഞാ​യ​റാ​ഴ്ച ആ​രം​ഭി​ച്ച് വ്യാ​ഴാ​ഴ്ച അ​വ​സാ​നി​ക്കു​ന്ന രീ​തി​യി​ലായിരിക്കും ഇനി കു​വൈ​റ്റിലെ പ്ര​വൃ​ത്തി ദി​ന​ങ്ങ​ള്‍.