ഫഹദിൻ്റെ അഭിനയ മികവിനെ പുകഴ്ത്തി സാക്ഷാൽ രജനീകാന്ത്. ഫഹദിനെ പോലൊരു നാച്ചുറൽ ആർട്ടിസ്റ്റിനെ താൻ ഇതുവരെ കണ്ടിട്ടില്ലെന്നാണ് സ്റ്റൈൽ മന്നൻ്റെ പ്രതികരണം. ഫഹദ് അസാധ്യമായ പ്രകടനമാണ് വേട്ടയ്യനിൽ കാഴ്ചവച്ചിരിക്കുന്നതെന്നും രജനീകാന്ത് പറയുന്നു.
വേട്ടയ്യനിൽ ഫഹദ് ഫാസിലിൻ്റെ കഥാപാത്രം വളരെ അസാധാരമാണ്. സംവിധായകനാണ് ഫഹദ് ഫാസിലിനെ അതിനായി തെരഞ്ഞെടുത്തതെന്നും രജനീകാന്ത് പറഞ്ഞു. താൻ ഫഹദിൻ്റെ അധികം പടങ്ങൾ കട്ടിട്ടില്ലെന്ന് പറഞ്ഞപ്പോൾ സംവിധായകൻ മലയാള പടങ്ങളിലെ സൂപ്പർ പെർഫോമൻസിനെക്കുറിച്ച തന്നോട് പറഞ്ഞതെന്നും ഫഹദ് പറഞ്ഞു.
പ്രേക്ഷകർ പ്രതീക്ഷയോടെ കാത്തിരിക്കുന്ന രജനീകാന്ത് ചിത്രമാണ് വേട്ടയ്യൻ. ഫഹദിനൊപ്പം മഞ്ജുവാര്യരും ചിത്രത്തിൽ പ്രധാന വേഷത്തിലെത്തുന്നുണ്ട്. ടി. കെ. ജ്ഞാനവേലാണ് വേട്ടയ്യൻ സംവിധാനം ചെയ്തിരിക്കുന്നത്. ലൈക്ക പ്രൊഡക്ഷൻസ് നിർമ്മിക്കുന്ന ചിത്രം ഒക്ടോബർ 10 നാണ് തിയറ്ററുകളിലെത്തുക.
അമിതാഭ് ബച്ചന്‍, ദുഷാര വിജയന്‍, റാണ ദഗുബതി, റിതിക സിങ്, കിഷോര്‍, ജിഎം സുന്ദര്‍, രോഹിണി, രമേശ് തിലക്, റാവോ രമേശ് തുടങ്ങി വൻ താരനിരയാണ് ചിത്രത്തിലുളളത്. രജനിയുടെ വില്ലനായി മലയാള നടൻ സാബുമോനും എത്തുന്നുണ്ട്.
