ദോഹ എക്സ്പോ 2023, ഖത്തറിന്റെ കാർഷിക മികവ് വെളിപ്പെടുത്തുന്ന പ്രാദേശിക ഫാമുകളും 

ദോ​ഹ ഇ​ന്റ​ർ​നാ​ഷ​ന​ൽ ഹോ​ർ​ട്ടി​ക​ൾ​ച​റ​ൽ എ​ക്സ്​​പോ​യി​ൽ ഖ​ത്ത​റി​ന്റെ കാ​ർ​ഷി​ക മി​ക​വ് വെളിപ്പെടുത്തുന്ന പ്രാ​ദേ​ശി​ക ഫാ​മു​ക​ളും ഉണ്ടാവുമെന്ന് എക്സ്പോ അധികൃതർ അറിയിച്ചു. കൃ​ഷി​യു​ടെ നൂ​ത​ന രീ​തി​ക​ളും പു​തു​മ​യേ​റി​യ പ​രി​സ്ഥി​തി ചി​ന്ത​ക​ളും മറ്റ് പ​ദ്ധ​തി​ക​ളു​മാ​ണ്എക്സ്പോയുടെ പ്രധാന ആകർഷണം. മ​രു​ഭൂമിയുടെ മ​ണ്ണി​ലെ ക​ന​ത്ത ചൂ​ടി​ലും ക​ടു​ത്ത ത​ണു​പ്പിലും ഒരിക്കലും വിജയമാവില്ല എന്ന് കരുതിയിരുന്ന കാ​ർ​ഷി​ക രീ​തി​ക​ളും വെ​ല്ലു​വി​ളി​ക​ളെ അ​തി​ജീ​വി​ക്കു​ന്ന നൂ​ത​ന സാ​ങ്കേ​തി​ക​വി​ദ്യ​ക​ളും അ​വ​ത​രി​പ്പി​ച്ചു​കൊ​ണ്ടാ​വും ഖ​ത്ത​റി​ലെ പ്രാ​ദേ​ശി​ക ഫാം ​ഉ​ട​മ​ക​ളെ​ത്തു​ന്ന​ത് എന്ന് അധികൃതർ അറിയിച്ചു.

പ​ര​മ്പ​രാ​ഗ​ത​വും നൂ​ത​ന​വു​മാ​യ കൃ​ഷി​രീ​തി​ക​ൾ ഉ​പ​യോ​ഗി​ച്ച് സു​സ്ഥി​ര വി​ക​സ​നം കൈ​വ​രി​ക്കു​ന്ന​തി​ന് വേണ്ടിയുള്ള ത​ങ്ങ​ളു​ടെ ശ്ര​മ​ങ്ങ​ൾ പ​രി​ച​യ​പ്പെ​ടു​ത്തു​ന്ന​തി​നു​ള്ള മി​ക​ച്ച അ​വ​സ​ര​മാ​ണ് എ​ക്‌​സ്‌​പോ 2023 എ​ന്ന് ഫാം ​ഉ​ട​മ​ക​​ൾ പറഞ്ഞു. കൂടാതെ മ​രു​ഭൂ​വ​ത്ക​ര​ണ​ത്തെ പ്ര​തി​രോ​ധി​ക്കു​ന്ന​തി​നും പ്രാ​ദേ​ശി​ക ഭ​ക്ഷ്യ ഉ​ൽ​പാ​ദ​ന​ത്തി​ൽ സ്വ​യം പ​ര്യാ​പ്ത​ത കൈ​വ​രി​ക്കു​ന്ന​തി​നു​ള്ള പ്രാ​യോ​ഗി​ക പ​രി​ഹാ​ര​ങ്ങ​ൾ ക​ണ്ടെ​ത്തു​ന്ന​തി​നും വേണ്ടി ഖ​ത്ത​രി ഫാ​മു​ക​ൾ​ക്ക് അ​ത്യാ​ധു​നി​ക സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗി​ക്കാ​ൻ സാ​ധി​ച്ചിട്ടുണ്ട്. ഇ​തി​ൽ ഗ്രീ​ൻ ഹൗ​സു​ക​ൾ, ശീ​തീ​കൃ​ത ഗ്രീ​ൻ ഹൗ​സു​ക​ൾ, ഓ​പ​ൺ ഫീ​ൽ​ഡ് കൃ​ഷി,ഹൈ​ഡ്രോ​പോ​ണി​ക്‌​സ് എ​ന്നി​വ ഉ​ൾ​പ്പെ​ടു​ന്ന​താ​യും ഫാം ​ഉ​ട​മ​ക​ൾ വ്യ​ക്ത​മാ​ക്കി.

അതേസമയം മ​റ്റു രാ​ജ്യ​ങ്ങ​ളി​ൽ ​നിന്ന് വ്യത്യ​സ്ത​മാ​യി വെ​ല്ലു​വി​ളി​ക​ൾ നി​റ​ഞ്ഞ പ​രി​സ്ഥി​തി​യി​ൽ ക​ർ​ഷ​ക​ർ നേ​രി​ടു​ന്ന ബു​ദ്ധി​മു​ട്ടു​ക​ൾ​ക്കു​ള്ള പ​രി​ഹാ​ര​ങ്ങ​ൾ എ​ക്‌​സ്‌​പോ​യി​ൽ പ്ര​തീ​ക്ഷി​ക്കു​ന്ന​താ​യും അ​ൽ ഹെ​ൻ​സാ​ബ് പറഞ്ഞു. മാത്രമല്ല രാ​ജ്യ​ത്തെ ഭ​ക്ഷ്യ​സു​ര​ക്ഷ ഉ​റ​പ്പാ​ക്കു​ന്ന​ കാര്യത്തിൽ കഴിഞ്ഞ കുറച്ച് വ​ർ​ഷ​ങ്ങ​ളി​ൽ ഖ​ത്ത​രി ഫാ​മു​ക​ൾ മി​ക​ച്ച വി​ജ​യം നേ​ടി​യിട്ടുണ്ട്. കൂടാതെ ഗ​ണ്യ​മാ​യ അ​ള​വി​ൽ പ​ഴ​ങ്ങ​ളും പ​ച്ച​ക്ക​റി​ക​ളും ഉ​ൽ​പാ​ദി​പ്പി​ച്ച​താ​യും ഫാം ​ഉ​ട​മ​യാ​യ നാ​സ​ർ അ​ൽ ഖ​ല​ഫ് അറിയിച്ചു.