ഇറാനിലേക്കും ഇറാഖിലേക്കുമുള്ള വിമാനങ്ങൾ റദ്ദാക്കി എമിറേറ്റ്‌സ് എയർലൈൻ. ഒക്ടോബർ 16 വരെയുള്ള സർവ്വീസുകളാണ് റദ്ദാക്കിയത്. ഇറാഖിലെ ബാഗ്ദാദ്, ബസ്ര നഗരങ്ങളിലേക്കും ഇറാനിലെ ടെഹ്‌റാനിലേക്കുമുള്ള വിമാനങ്ങൾ നിർത്തിവയ്ക്കുമെന്നാണ് എയർലൈൻ അറിയിച്ചത്.
കഴിഞ്ഞ ദിവസം ഇസ്രയേലിനെതിരെ ഇറാൻ നടത്തിയ ആക്രമണത്തിന് ശേഷം പ്രതിസന്ധി രൂക്ഷമാകുമെന്ന ഭയത്തെ തുടർന്നാണ് റദ്ദാക്കൽ. നേരത്തെ ഒക്ടോബർ എട്ട് വരെ ഇറാനിലേക്കും തിരിച്ചുമുള്ള വിമാനങ്ങൾ എയർലൈൻ റദ്ദാക്കിയിരുന്നു. അതോടൊപ്പം ലെബനനിലേക്കും പുറത്തേക്കുമുള്ള എമിറേറ്റ്‌സിൻ്റെ വിമാനങ്ങൾ ഒക്ടോബർ 15 വരെയും റദ്ദാക്കിയിരുന്നു.
