ഇലക്ട്രോണിക് രേഖയിൽ കൃത്രിമം കാണിച്ചതിനും വ്യാജരേഖകൾ കണ്ടെത്തിയതിനും എട്ടംഗ സംഘത്തിന് റാസൽഖൈമ ക്രിമിനൽ കോടതി ആറ് മാസം തടവും നാടുകടത്തലും ശിക്ഷ വിധിച്ചു. ഫോൺ സേവന കാർഡുകൾക്കായുള്ള സബ്സ്ക്രിപ്ഷൻ കരാറുമായി ബന്ധപ്പെട്ട രേഖകളിലാണ് ഇവർ കൃത്രിമം കാണിച്ചത്.
അതേസമയം ഏഷ്യൻ പൗരത്വമുള്ള പ്രതികൾക്കൊപ്പം ഇതിന് മുൻപും സമാനമായ ശിക്ഷ ലഭിച്ച മറ്റ് ഏഴ് പേർക്കെതിരെയും ഇലക്ട്രോണിക് രേഖയിൽ വ്യാജരേഖ ചമച്ചതിന് പബ്ലിക് പ്രോസിക്യൂഷൻ കുറ്റം ചുമത്തിയിട്ടുണ്ട്. ഇരയാക്കപ്പെട്ടവരുടെ തിരിച്ചറിയൽ കാർഡുകളും പേരുകളും തട്ടിപ്പിലൂടെ നേടിയെടുത്താണ് ഫോൺ സേവന കാർഡുകളുടെ സബ്സ്ക്രിപ്ഷൻ കരാറുകൾ പ്രതികൾ വ്യാജമായി ഉണ്ടാക്കിയത്.
ഒരു ഡാറ്റ റീഡർ ഉപകരണം ഉപയോഗിച്ച് ഇരകളുടെ ഡാറ്റ ഇലക്ട്രോണിക് സിസ്റ്റത്തിലെ കരാറുകളിലേക്ക് മാറ്റി. അവർ അറിയാതെ തന്നെ അവരുടെ പേരിലുള്ള ഇലക്ട്രോണിക് ഒപ്പും (വിരലടയാളം) പ്രതികൾ കണ്ടെത്തി. ഇതിന് ശേഷം ഇരകളുടെ പേരുകളിൽ സാധുവായ ഔദ്യോഗിക രേഖകൾ ഉപയോഗിക്കുക, അവ നിയമവിരുദ്ധമായി ഉപയോഗിക്കുക, വ്യാജ ഇലക്ട്രോണിക് രേഖകൾ യോഗ്യതയുള്ള അധികാരികൾക്ക് സമർപ്പിക്കുക എന്നീ കുറ്റങ്ങൾ ഇവർ ചെയ്തു എന്നുമാണ് ആരോപണം.
