മലയാള ചലചിത്രതാരം മീര നന്ദന് വിവാഹിതയായി. പുലർച്ചെ ഗുരുവായൂർ ക്ഷേത്രത്തില്‍വെച്ചായിരുന്നു മീരയുടെ വിവാഹം. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങില്‍ വരന്‍ ശ്രീജു മീര നന്ദന് താലി ചാർത്തി. ലണ്ടനില്‍ അക്കൗണ്ടൻ്റാണ് ശ്രീജു.
താലികെട്ടിന്‍റെയും സിന്ദൂരം ചാര്‍ത്തുന്നതിന്‍റെയും ചിത്രങ്ങള്‍ മീര തന്നെയാണ് സമൂഹ മാധ്യമത്തിലൂടെ പങ്കുവച്ചത്. കഴിഞ്ഞ വര്‍ഷം സെപ്റ്റംബറിലായിരുന്നു ഇരുവരുടെയും വിവാഹ നിശ്ചയം. മാട്രിമോണിയലിലൂടെ പരിചയപ്പെട്ട ഇരുവരുടേയും വിവാഹം പിന്നീട് വീട്ടുകാർ ഉറപ്പിക്കുകയായിരുന്നു.
നിരവധി ആരാധകരും താരങ്ങളും താരത്തിന് ആശംസകൾ അറിയിച്ച് രംഗത്തെത്തി. കഴിഞ്ഞ ദിവസങ്ങളില്‍ നടന്ന മെഹന്ദി, ഹല്‍ദി ഉള്‍പ്പെടേയുള്ള ചടങ്ങുകളില്‍ മീര നന്ദന്റെ അടുത്ത സുഹൃത്തുക്കളായ നസ്രിയ നസിം, ശ്രിന്ദ, ആൻ അഗസ്റ്റിൻ തുടങ്ങി കലാകാരികളും സിനിമാപ്രവർത്തകരും പങ്കെടുത്തിരുന്നു.
View this post on Instagram
ടിവി അവതാരകയായാണ് മീര കരിയർ തുടങ്ങിയത്. പിന്നീട് ദിലീപിനെ പ്രധാന കഥാപാത്രമാക്കി ലാല്‍ ജോസ് സംവിധാനം ചെയ്ത മുല്ല എന്ന ചിത്രത്തിലൂടെ അഭിനയ രംഗത്തേക്ക് എത്തുകയായിരുന്നു. വാല്‍മീകി എന്ന ചിത്രത്തിലൂടെ തമിഴിലും ജയ് ബോലോ തെലങ്കാന എന്ന ചിത്രത്തിലൂടെ തെലുങ്കിലും, കന്നഡയിലും വേഷമിട്ടിട്ടുണ്ട്. കൊച്ചി എളമക്കര സ്വദേശിനിയാണ് മീര നന്ദന്
