യുഎഇയിൽ പൊടിക്കാറ്റ് ശക്തമായി. അന്തരീക്ഷത്തിൽ പൊടിപടലങ്ങൾ നിറഞ്ഞതിനെ തുടർന്ന് ദൂരക്കാഴ്ച കുറഞ്ഞതിനാൽ രാജ്യത്ത് ഓറഞ്ച് അലർട്ട് പ്രഖ്യാപിച്ചു.
അൽ മക്തൂം രാജ്യാന്തര വിമാനത്താവളത്തിൽ ദൂരക്കാഴ്ച 3000 മീറ്ററിൽ താഴെ എത്തിയതായി കാലാവസ്ഥ കേന്ദ്രം അറിയിച്ചു. 40 കി.മീ വേഗത്തിൽ കാറ്റുവീശാൻ സാധ്യതയുണ്ടെന്നും ഇന്ന് ഉച്ചവരെ കടൽ പ്രക്ഷുബ്ധമാകുമെന്നും മുന്നറിയിപ്പുണ്ട്.
ദുരക്കാഴ്ച കുറഞ്ഞതിനാൽ മുന്നിലുള്ളവ കാണാൻ ബുദ്ധിമുട്ട് അനുഭവപ്പെടുന്നതിനാൽ വാഹന യാത്രക്കാർ ജാഗ്രത പാലിക്കണമെന്നും സുരക്ഷാ മുന്നറിയിപ്പുകൾ അനുസരിച്ച് വാഹനമോടിക്കണമെന്നും അധികൃതർ നിർദേശിച്ചു.
