ദുബായ് എക്‌സ്‌പോ സിറ്റിയിലെ ജനപ്രിയ ഗാർഡൻ ഇൻ ദി സ്കൈ മെയ് 25 മുതൽ 31 വരെ “പതിവ് അറ്റകുറ്റപ്പണികൾ”ക്കായി അടച്ചിടുമെന്ന് അധിക്യതർ.
55 മീറ്റർ ഉയരത്തിൽ കറങ്ങുന്ന നിരീക്ഷണ ഗോപുരമാണ് ഗാർഡൻ ഇൻ ദി സ്കൈ. എക്‌സ്‌പോ സിറ്റിയിലെ ജനപ്രിയ സംവിധാനവുമാണ് ഗാർഡൻ ഇൻ ദി സ്കൈ,. നഗരത്തെ വിശാലമായി നോക്കികാണാൻ ഗാർഡൻ ഇൻ ദി സ്കൈ സഹായിക്കുന്നു.
അറ്റകുറ്റപ്പണികൾക്കായി ഗാർഡൻ ഇൻ ദി സ്കൈ മെയ് 25 മുതൽ 31 വരെ അടച്ചിടുമെന്നും “എക്‌സ്‌പോ സിറ്റി ദുബായുടെ അതിമനോഹരമായ കാഴ്ചകൾക്കായി നിങ്ങളെ വീണ്ടും സ്വാഗതം ചെയ്യാൻ ഞങ്ങൾ ആഗ്രഹിക്കുന്നു,” എന്നും അധിക്യതർ ട്വീറ്റ് ചെയ്തു, ജൂബിലി ജില്ലയിൽ സ്ഥിതി ചെയ്യുന്ന ഗാർഡൻ ഇൻ ദി സ്കൈയ്ക്ക് 30 ദിർഹമാണ് ഈടാക്കുന്നത്. 2 വയസ്സിന് താഴെയുള്ള കുട്ടികൾക്കും നിശ്ചയദാർഢ്യമുള്ളവർക്കും പ്രവേശനം സൗജന്യമാണ്.
