പാവപ്പെട്ട കുടുംബങ്ങൾക്ക് 600 ലധികം സൗജന്യ നോൽ കാർഡുകൾ വിതരണം ചെയ്ത് ദുബായ് ആർടിഎ. റമദാനിലെ എല്ലാ 19-ാം ദിനത്തിലും യുഎഇയിൽ ആചരിക്കുന്ന ഷെയ്ഖ് സായിദ് മാനുഷിക ദിനത്തോടനുബന്ധിച്ചാണ് സൗജന്യ നോൽ കാർഡുകൾ വിതരണം ചെയ്തത്. ദുബായിൽ പൊതുഗതാഗതത്തിനും പങ്കാളിത്ത റീട്ടെയിൽ ഔട്ട്‌ലെറ്റുകളിൽ അവശ്യ സാധനങ്ങൾ വാങ്ങാനും ഉപയോഗിക്കുന്ന പ്രീ-ലോഡഡ് നോൾ കാർഡുകളാണിത്.
ആർടിഎ ജീവനക്കാർ, പരിമിതമായ വരുമാനമുള്ള കുടുംബങ്ങൾ, ഡ്രൈവർമാർ, ഭിന്നശേഷിക്കാർ, തൊഴിലാളികൾ എന്നിവർക്ക് പുണ്യ വേളയിൽ സന്തോഷം നൽകുന്നതിന് വേണ്ടി വിവിധ കമ്മ്യൂണിറ്റി സംരംഭങ്ങൾ നടപ്പിലാക്കുകയെന്ന ലക്ഷ്യമാണ് ഇതിന് പിന്നിൽ. വിശുദ്ധ റമദാൻ മാസത്തിൽ ജനങ്ങളുടെ സന്തോഷമാണ് രാജ്യം ആഗ്രഹിക്കുന്നത്.
