നൂതന പ്രവർത്തനങ്ങൾക്കായുള്ള ആദ്യ മാതൃകാ സംരംഭമായ ദുബായ് ഫ്യൂച്ചർ സൊല്യൂഷൻസിൻ്റെ രണ്ടാം ഘട്ട പ്രവത്തനങ്ങൾക്ക് അനുമതി. ദുബായ് കിരീടാവകാശിയും ഫ്യൂച്ചർ ഫൗണ്ടേഷൻ്റെ (DFF) ബോർഡ് ഓഫ് ട്രസ്റ്റി ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് അംഗീകാരം നൽകിയത്.
നൂതന മാതൃകകളുടെ വികസനം പ്രോത്സാഹിപ്പിക്കുന്നതിനൊപ്പം ലോകത്തിന് മുമ്പിൽ പുതിയ ആശയങ്ങൾ അവതരിപ്പിക്കുക എന്നതും പദ്ധതിയുടെ ലക്ഷ്യമാണ്. ദുബായ് കൾച്ചർ ആൻഡ് ആർട്‌സ് അതോറിറ്റി ചെയർപേഴ്‌സൺ ഷെയ്ഖ ലത്തീഫ ബിൻത് മുഹമ്മദ് ബിൻ റാഷിദ് അൽ മക്തൂമിൻ്റെ മേൽനോട്ടത്തിലാണ് പ്രവർത്തനങ്ങൾ.
ലോകത്തെമ്പാടും ഫ്യൂച്ചർ സൊല്യൂഷൻസിൻ്റെ നവീന ആശയക്കാരേയും ഡിസൈനർമാരെയും പിന്തുണയ്ക്കുന്നതിനും മികച്ച പ്രതിഭകളെയും സർഗ്ഗാത്മക ചിന്തകരെയും പരിപോഷിപ്പിക്കുന്നതിനുമുള്ള ഒരു സമഗ്ര പ്ലാറ്റ്‌ഫോമായി സംരംഭം പ്രവർത്തിച്ച് വരുന്നതായി ശൈഖ് ഹംദാൻ പറഞ്ഞു.
പദ്ധതിയുടെ വിപുലീകരണാർത്ഥം ദുബൈ ഫ്യൂച്ചർ ഫൗണ്ടേഷനും ദമാക് ദമാക് ഫൗണ്ടേഷനും തമ്മിൽ കരാർ ഒപ്പിട്ടു. നൂതന ആയങ്ങളേയും സാങ്കേതിക വിദ്യകളെയും പിന്തുണക്കുന്നതിനായി 10 കോടി ദിർഹം നിക്ഷേപിച്ച സ്ഥാപനമാണ് ദമാക് ഫൗണ്ടേഷൻ.
കഴിഞ്ഞ ഒമ്പത് വർഷത്തിനിടെ ആഗോള തലത്തിൽ 700ലധികം സർവകലാശാലകളിൽ നിന്നുള്ള വിദ്യാർഥികൾ സമർപ്പിച്ച 10,000ത്തിധികം നൂതന പദ്ധതികൾ പ്രദർശിപ്പിക്കാൻ സംരംഭത്തിന് കഴിഞ്ഞിട്ടുണ്ട്. ദുബായിയെ ആഗോള ഇന്നൊവേഷൻ ഹബ്ബാക്കി മാറ്റാനുള്ള ശ്രമങ്ങളുടെ ഭാഗമായാണ് ചുവടുവയ്പപ്പ്.
