ദുബായ് അന്താരാഷ്ട്ര വിമാനത്താവളത്തിലെ ടെർമിനൽ 3-ലെ എമിറേറ്റ്സിന്റെ ഫസ്റ്റ് ക്ലാസ് ചെക്ക്-ഇൻ കൗണ്ടറുകൾ ഒക്ടോബർ 1 വരെ
അടച്ചിരിക്കും.
നവീകരണത്തിനും യാത്രക്കാരുടെ അനുഭവം മികച്ചതാക്കുന്നതിനുമായാണ് കൗണ്ടറുകൾ അടച്ചിടുന്നതെന്ന് എയർലൈൻ അറിയിച്ചു. ചില ചെക്ക്-ഇൻ കൗണ്ടറുകൾ മൂന്നാഴ്ചത്തേക്ക് അടച്ചിടുമെന്ന് കഴിഞ്ഞ മാസം അധികൃതർ അറിയിച്ചിരുന്നു. ഫസ്റ്റ് ക്ലാസിൽ യാത്രചെയ്യുന്ന യാത്രക്കാർക്ക് പ്രീമിയം ചെക്ക്-ഇൻ കൗണ്ടറുകൾ ഉപയോഗിക്കാം.
“ടെർമിനൽ 3-ലെ നിങ്ങളുടെ അനുഭവം ഞങ്ങൾ കൂടുതൽ മികച്ചതാക്കുന്നു. ഞങ്ങളുടെ ഫസ്റ്റ് ക്ലാസ് ചെക്ക്-ഇൻ കൗണ്ടറുകൾ 2023 ഒക്ടോബർ 1 വരെ അടച്ചിരിക്കും, എമിറേറ്റ്സ് സ്കൈവാർഡ്സ് ഗോൾഡ് ഇക്കണോമി ക്ലാസിൽ യാത്ര ചെയ്യുന്ന അംഗങ്ങളോട് ഏരിയ 6 ലെ പ്രീമിയം ചെക്ക്-ഇൻ കൗണ്ടറുകളിലേക്ക് പോകാൻ അഭ്യർത്ഥിക്കുന്നു, ”എമിറേറ്റ്സ് അതിന്റെ വെബ്സൈറ്റിൽ പ്രസ്താവനയായി അറിയിച്ചിട്ടുണ്ട്.
