ഇന്റർനാഷണൽ ബോർഡ് ഓഫ് ക്രെഡൻഷ്യലിംഗ് ആന്റ് കണ്ടിന്യൂയിംഗ് എജ്യുക്കേഷൻ സ്റ്റാൻഡേർഡ്‌സ് (IBCCES) നൽകുന്ന സർട്ടിഫൈഡ് ഓട്ടിസം സെന്റർ (CAC) പദവി നേടുന്ന ആദ്യത്തെ അന്താരാഷ്ട്ര വിമാനത്താവളമായി ദുബായ് ഇന്റർനാഷണൽ എയർപോർട്ട് (DXB). ലോകത്തിലെ ഏറ്റവും വലിയ വിമാനത്താവളങ്ങളിലൊന്നാണ് ദുബായ് എയർപോർട്ട്.
ഒരു സർട്ടിഫൈഡ് ഓട്ടിസം ഡെസ്റ്റിനേഷൻ ആകാനുള്ള ദുബായിയുടെ ശ്രമത്തെ പിന്തുണയ്ക്കുന്നതിനോടൊപ്പം തന്നെ യാത്രാനുഭവം ഉയർത്തുന്നതിനും ഭിന്നശേഷിക്കാരായ ആളുകൾക്ക് യാത്ര എളുപ്പമാക്കുന്നതിനുമുള്ള ദുബായ് എയർപോർട്ടിന്റെ പ്രതിബദ്ധതയാണ് ഈ നേട്ടം പ്രതിഫലിപ്പിക്കുന്നത്. ഓട്ടിസം ബാധിച്ച അതിഥികൾക്കും സെൻസറി സെൻസിറ്റിവിറ്റി ഉള്ളവർക്കും അവരുടെ കുടുംബങ്ങൾക്കും കൂടുതൽ വൈവിധ്യമാർന്ന ഓട്ടിസം-സർട്ടിഫൈഡ് താമസസൗകര്യങ്ങൾ, വിനോദം, വിനോദ ഓപ്ഷനുകൾ എന്നിവ വാഗ്‌ദാനം ചെയ്യുന്ന കമ്മ്യൂണിറ്റികൾക്ക് ആണ് IBCCES ഈ പദവി നൽകി വരുന്നത്.
IBCCES നടത്തിയ മൂന്ന് ടെർമിനലുകളുടെയും സമഗ്രമായ ഓൺ-സൈറ്റ് വിലയിരുത്തലിന്റെ പശ്ചാത്തലത്തിലാണ് DXB-ക്ക് ഈ സർട്ടിഫിക്കേഷൻ ലഭിച്ചത്. സൺഫ്ലവർ ലാനിയാർഡ് പ്രോഗ്രാം അവതരിപ്പിച്ച അനുയോജ്യമായ സേവനങ്ങളും മൂല്യനിർണ്ണയ വേളയിൽ IBCCES കണ്ടെത്തി. ഓട്ടിസം ബാധിച്ച അതിഥികൾക്കും സൺഫ്ലവർ ലാനിയാർഡ് ധരിക്കുമ്പോൾ ചെക്ക്-ഇൻ, സുരക്ഷാ ചെക്ക്പോസ്റ്റുകൾ, പാസ്പോർട്ട് നിയന്ത്രണം, ബോർഡിംഗ് എന്നിവയ്ക്കായി മുൻഗണനയുള്ള റൂട്ടുകളിലേക്ക് പ്രവേശനം അനുവദിക്കുന്നുമുണ്ട്. ഇത്തരക്കാരെ സഹായിക്കാനായി പ്രത്യേക പരിശീലനം ലഭിച്ച സൺഫ്ലവർ ലാനിയാർഡ് ധരിച്ച ജീവനക്കാരും എയർപോർട്ട് യാത്രയിലുടനീളം സഹായിക്കാനും പിന്തുണയ്ക്കാനും ഉണ്ടാകുകയും ചെയ്യും.
